۱۲-سنبله، دوشنبه کونی خودکش هجوم ده قربان بولگنلر نینگ عایله اعضالری، سرپرست حکومت دن خوفسیزلیک‌لری تأمین اېتیلیشینی سۉره‌یدیلر. اۉتگن کون کابل شهری دارلامان سرکی ده اویوشتیریلگن خودکش هجوم عاقبتیده آلتی کیشی قربان بولگن، اولر ارا بیر عیالدن باشقه برچه‌سی بدخشان‌لیک بولگنی اېتیلگن.
بدخشان ولایتی یفتل پایین تومنی یشاوچیسی خیرالله گه کوره، اورتاغی خیرالدین مظهری فرمان و حکم‌لرنی اېزلش و نظارت اېتیش ریاست خادمی بولیب اۉتگن کونگی خودکش هجوم عاقبتیده قربان بولگن و اونینگ آنه‌سی اوی ده جان‌سیز جسدینی کوریش بیلن گپیریش دن قالگن.
اونینگ کوپه‌یتیریشیچه: «اونینگ آنه‌سی گپیریش دن قالگن و احوالی یخشی اېمس، او اکادمی اوقیش‌لرینی بیتّیریب اجتماع و بیلیم ساحه‌لریده مملکت نینگ فعال یاشی اوله‌راق ایشلر اېدی، بونده‌ی ییگیت نینگ بی‌وقت اولیشی عایله‌سی اوچون آغیر بولیشی ممکن.»
بیزلرنینگ فیسبوک صحیفه‌میزگه باش اورینگ!
بدخشان ولایتی بهارک تومنی یشاوچیسی جاوید یمین گه کوره، عمه‌کیسی حقوق بولیمینی بیتّیریب و محکمه سابق خادمی بولیب و فرمان و حکم‌لرنی اېزلش و نظارت اېتیش ریاست خادمی اېدی، اۉتگن کونگی خودکش هجومده قربان بولگن.
اونینگ کوپه‌یتیریشیچه، عمه‌کیسی ینگی‌لیکده اوی‌لنیب و دکترا اوقیش اوچون ثبت‌نام قیلگن اېدی. «افسوس بیلن اۉتگن کونگی خودکش هجومده شهید بولدیلر و حکومتدن خوفسیزلیک تأمین ایتیلیشی اوچون دقت قیلیشینی اېسته‌یمیز.»
کابل یشاوچیسی اسدالله نینگ ایتیشیچه، اوغلی کابل بیلیم یورتی ده ماسترلیک بولیمی طلبه‌سی بولیب فرمان و حکم‌لرنی اېزلش ریاست خادمی دیر، اۉتگن کونگی خودکش هجومده آغیر یره‌لنیب و حاضر ایمرجنسی کسلخانه‌سیده بستر دیر، او سرپرست حکومتدن اولکه یشاوچیلری نینگ خوفسیزلیگی تأمین ایتیلیشی خصوصیده دقت قیلیشینی اېسته‌یدی.
بیزلرنینگ «ایکس» ترماغی ده هم تعقیب قیلینگ!
اونگه کوره: «سرپرست حکومتدن اولکه یشاوچیلری خوفسیزلیگینی تأمینلشنی اېسته‌یمیز، چونکه بو احوال نی قبول قیلیب بولمه‌یدی.»
کابل یشاوچیلریدن باشقه بیری محمدعمر، اۉتگن کونگی خودکش هجومده ایناغه‌سی یره‌لنیب و حاضر ایمرجنسی کسلخانه‌سیده بستری بولگنینی اېته‌دی. او سرپرست حکومت دن اوشبو هجوم عامللرینی قولگه آلیب و جزالنتیریشینی سۉره‌یدی. «خوفسیزلیک کوچلردن بو کبی واقعه‌لر اونگی آلینیشینی سۉره‌یمیز، اهالی قچانگچه بونده‌ی احوال نی تحمل قیله‌دی و هر کونی کسلخانه ایشیگی یقینیده توخته‌یدی، نیمه احوال دیر.»
کابل امنیه قوماندان‌لیگی مسئوللری، خوفسیزلیک کوچلر مذکور واقعه عامللرینی قولگه آلیش اوچون سعی-حرکت قیلماقده‌لیک‌لریدن ایشانچ بیلدیره‌دی.
کابل امنیه قوماندان‌لیگی سۉزلاوچیسی خالد زدران، واقعه طفیلی قربان بولگنلر نینگ عایله اعضالری گه بو واقعه عامللری قولگه آلینیب جزالنتیریلیش وعده‌سینی بیره‌دی. «اوشبو واقعه طفیلی قربان بولگنلر نینگ عایله اعضالری گه، واقعه عامللری قولگه آلینیب و قانون اساسیده جزالنتیریلیش وعده‌سینی بیره‌من.»
خوفسیزلیک اداره‌لر نینگ معلوماتی اساسیده، بو واقعه اۉتگن کون عصر پیتی کابل شهری دارالامان سرکی قلعه بختیار منطقه‌سیده یوز بیریب، بیر عیال شامل آلتی کیشی قربان بولیب و باشقه ۱۳ کیشی یره‌لنگن.
