غزه ده اسرائیل و حماس آره‌سیده‌گی اوروش و آتیشمه‌لر، ۲۵-جدی، دوشنبه، ۱۰۱ کونی گه ییتگن.
رویترز نینگ فلسطین ساغلیق‌نی سقلش وزیرلیگی دن نقل قیلگن گزارشی اساسیده، بو اوروش سبب حاضرگچه فلسطین‌لیک ۲۴ مینگ کیشی اولیب و ۶۰ مینگ دن آرتیق کیشی یره‌لنگن و شونینگدیک اوشبو بحران طفیلی مینگ‌لرچه کیشی بدرغه بولگن.
غزه بحرانی اوتگن میلادی ییل ۷-اکتبر باشلنیب و حماس گروهی جنگری‌لری اسرائیل جنوبی گه هجوم قیلیش بیلن ۱۲۰۰ کیشی نی توتقون گه آلیب و طوفان الاقصی اسمی‌ده بولگن عملیات‌لری نی فلسطین نینگ ایرکین‌لیگی اوچون یولگه قویگنلریدن خبر بیرگن ایدیلر.
بیزلرنینگ فیسبوک صحیفه‌میزگه باش اورینگ!
اورته شرق ده‌گی بحران حلی اوچون بیرلشگن ملتلر تشکیلاتی نینگ سعی‌وحرکت‌لری حاضرگچه یالغیز وقتینچه‌لیک آتیش کیسین تامین ایتیلیشی گه خلاصه بولگن و غزه ده دایمی آتیش کیسین برقرار ایتیلیشی گه دایر بیرلشگن ملتلر تشکیلاتی خوفسیزلیک کینگشی نینگ پیشنهادی قطع‌نامه‌لری نیچه مرته موفقیت‌سیزلیکه روپه‌ره بولگن.
غزه ده اوروشی باشلنگنیدن حاضرگچه، اسرائیل نینگ اقدام‌لری کوپینچه تنقید‌لر بیلن روپه‌ره بولیب و جنوبی افریفا خلق‌ارا لاهه محکمه‌سیده اسرائیل نینگ اوروش جنایت اساسیده بیر قضیه آچگن و شونینگدیک لبنان ده حزب‌الله و یمن حوثی‌لری کبی باشقه منطقه ده‌گی قوراللی گروه‌لر اسرائیل گه قرشی حرکت‌لرینی باشله‌گنلر.
غزه اوروشی اوچون حوثی‌لر سونگی کون‌لر ده قیزیل دینگیز ده اوز هجوم‌لرینی آشیرگنلر و بو حرکت‌لر گه جواب، بریتانیا و امریکا هوا کوچلری جمعه کون دن حاضرگچه کمیده حوثی‌لر گه عاید اوچ مرکز نی نشانگه آلگنلر.
بیزلرنینگ «ایکس» ترماغی ده هم تعقیب قیلینگ!
عین حالده، خلق‌ارا ایش بیلرمان بلال فاطمی نینگ ایتیشیچه، غزه بحرانی نینگ دوام قیلیشی و بو بحران طفیلی باشقه آتیشمه‌لر یوز بیریشی ممکن. «حاضر منطقه‌ده‌‌گی اوروش کینگه‌یماقده، چونکه یمن‌ده امریکا بیرقنچه مکان‌لرنی هوایی هجوم آرقه‌لی مقصدگه توتدی و مقصدلر ایچیده عادی اهالی هم بار ایدی، بو کیتیش منطقه اهالیسی عکس‌العملی همده بو جریان‌ده روسیه کبی مملکت‌لرنی کیریشی‌گه باعث بوله‌دی، شو اساس اسرائیل و حماس اوروشی منطقه‌ای بیر اوروش‌گه اوزگریشی ممکن.»
بیلرمان‌لر نینگ ایشانچلری گه کوره، کوچلی مملکتلر و شونینگدیک منطقه‌ده نفوذلی مملکتلر نینگ اقتصادی و سیاسی مقصد‌لری، فلسطین‌دن قوللب-قوتلش خصوصیده اسلامی مملکتلر آره‌سیده اویغون‌لیک یوقلیگی، اسرائیل‌دن غرب مملکت‌لری اینیقسه امریکا، بریتانیا و فرانسه نینگ حمایت قیلیشی و منطقه‌ده نفوس‌لرینی آشیریش اوچون مملکتلر نینگ بیر-بیری بیلن رقابتی، حاضرگچه غزه بحرانی یکونلمسلیکه سبب بولگن اساسی سبب‌لردن دیر.
شونده‌ی بیرحالده، دنیا بویلب مملکت‌لردن کوپینچه‌سی غزه بحرانی یکونلنیشی اوچون منطقه‌ده فلسطین و اسرائیل نینگ ایکی مستقل حکومت بولیشی بیان قیلینگن، بیراق غزه ده اوروش یکونلنیشی اوچون اوشبو پیشنهاد نینگ عملی بولیشی خصوصیده عملی آدیم قولگه آلینمه‌گن.
لیکن خلق‌ارا ایش بیلرمان‌لریدن بیری فروزان، بو توغریده ایتیشیچه: «اورورش دوامی سبب‌لریدن بیرته‌سی بو، اسرائیل حاضرهم امریکا و غرب تامانیدن بوتونله‌ی قوللب_قوتلنیش‌گه ایشانه‌دی و اسرائیل رسمی‌لریگه کوره، اولر بو آرقه داشلیک‌لر باعث، اوتگن ییتمیش ییل کبی هر بیر اوروش و جنایت‌لری اوچون جواب‌گرلیککه تارتیلمه‌دی، شو اوچون اوروش دوام ایتگن و بیر مدت دوام ایتیشی هم ممکن.»
ایتیش کیره‌ک، ۲۲-جدی، شنبه کونی، اسرائیل باش وزیری بنیامین نتنیاهو غزه ده‌گی اوروش گه چیک قوییلیشی اوچون برچه طلب‌لر گه اعتبار بیرمسدن ینه بیر مراتبه حماس نی بوتونلی یوق ایتیش گه قدر اوروش دوما تاپیشینی معلوم قیلگن.
