مملکت شرقی ده جایلشگن لغمان نینگ ۸۰ فایز یشاوچیلری ایکینچیلیک ایشلری بیلن مصروف دیر. اوشبو ولایت یشاوچیلری تورلی خیل سبزه‌وات اینیقسه سریمساق (سیر) ایکه‌دیلر. لغمان ده‌گی دهقان‌لر نینگ ایتیشلریچه، اوتگن ییللر گه نسبتن بو ییل سریمساق یخشی حاصل بیرگن.
اولر گه کوره، اوتمیش ده آز سریمساق ایکیب و کوپ حاصل بیریشنی کوتمس ایدیلر، لیکن بو ییل سریمساق نینگ سیزیلرلی درجه ده حاصلی آشگن.
اولر حکومت دن، محصولات‌لری اوچون مناسب بازار تاپیشینی طلب قیله‌دیلر.
لغمان ده‌گی دهقان‌لر نینگ ایتیشلریچه، ایکینچیلیک بیلن عایله اعضالری نینگ خرجتینی تأمینله‌یدیلر و حکومت بوتوغریده‌گی قیینچیلیکلری حلی اوچون دقت قیلیشی کیره‌ک.
«قرغه‌یی» تومنی دهقان‌لریدن نعیم‌جان، ییری ده سریمساققه علاوه باشقه تورلی خیل سبزه‌وات ایککن ایتیشیچه، بو ییل سریمساق یخشی حاصل بیریشنی کوتمه‌گن ایدی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «مین آزراق سریمساق ایککن ایدیم، چونکه بو ییل یخشی حاصل بیریشینی کوتمسدیم. یشاوچیلر بوندن آلدین بو ییرده کوپ سریمساق ایکر ایدیلر، بیراق یخشی نتیجه بیرمس ایدی. دهقان‌لر یخشی حاصل بیره‌دیگن محصولات نی کوپراق ایکه‌دیلر. بو ییل سریمساق یخشی حاصل بیردی بیز اوچون خورسندلیک خبر دیر. حکومت دن محصولاتیمیز اوچون مناسب بازار تاپیشینی ایسته‌یمیز.»
اونگه کوره، سریمساق آز ایککن بولسه ده بیراق یخشی حاصل بیرگن، مناسب بازار تاپیلگن تقدیرده، باشقه محصولات‌لری گه نسبتن یخشی مفاد قیلیشی ممکن.
عین‌حالده، لغمان ولایتیده سریمساق سوداگرلریدن شمس نینگ ایتیشیچه، حکومت دهقان‌لر نینگ محصولاتی اوچون مناسب بازار تاپگن حالده، مذکور ولایتده‌گی دهقان‌لر یقینده اوزلرینی اوزی تأمینلش‌لری ممکن.
او نینگ کوپه‌یتیریشیچه، لغمان ده نه‌فقط سریمساق بلکه باشقه سبزه‌وات‌لر یخشی حاصل بیره‌دی، بیراق بوتوغریده ییترلیچه دقت قیلینمه‌گن.
اونگه کوره: «آز مقدار ده سریمساق ایککن ۲۰ دن آرتیق دهقان نی تانیمن، بیراق اولر نینگ برچه‌سی کوتمه‌گن درجه ده حاصل آلیشگنینی ایته‌دیلر. اوزیم یریم جریب دن آزراق ییرده سریمساق ایککن ایدیم، لیکن حاصلینی کوریب قووانیم کیته‌یپمن. حکومت دن دهقان‌لر قوللب_قوتلنیشی اوچون محصولاتیمیز گه یخشی بازار تاپیشینی ایسته‌ی من.»
عین‌حالده، ایکینچیلیک ایش بیلرمانی ابراهیم صافی گه کوره، ۱۳ تورلی سریمساق موجود اولر نینگ هر بیری علیحده بازار و قیمت گه ایگه دیر.
او نینگ ایتیشیچه: «سریمساق نینگ یخشی بازاری بار و یالغیز افغانستان ده بازاری محدود دیر. بوتوغریده دقت قیلینگن تقدیرده، صادرات کوپه‌یب و دهقان‌لر نینگ اقتصادی هم یخشی بوله‌دی.»
باشقه تاماندن، لغمان ایکینچیلیک باشلیغی احمدولی محسن گه کوره، اوشبو ولایت دهقان‌لری ییترلیچه قوللب_قوتلنگن.
بیزلرنینگ توییترده هم تعقیب قیلینگ!
او نینگ کوپه‌یتیریشیچه، مذکور ولایت دهقان‌لری گه اصلاح ایتیلگن اوروغ، کیمیاوی کود و ایکینچیلیک اوسکونه‌لری توزیع بولگن و قطار منطقه‌لر نینگ دهقان‌لری گه عمومی آگاهی‌لیک بیریلگن.
اونگه کوره: «بیز هر قنده‌ی شرایط ده دهقان‌لرنی قوللب_قوتله‌گن‌میز بو ایش گه دوام بیره‌میز. بیز اولر گه کیمیاوی کود، ایکینچیلیک اوسکونه‌لری و قطار منطقه‌لر ده اولر گه عمومی آگاهی‌لیک بیرگن‌میز. اولر نینگ محصولاتینی برچه ولایت‌لر حتا خارج گه صادر قیلیش اوچون تلاش قیله‌یپمیز.»
ایتیش کیره‌ک که، لغمان مملکت نینگ سیر سوو و سیر حاصل ولایت‌لریدن سنله‌دی، اوشبو ولایت نینگ غله گه علاوه اونلب سبزوه‌وات‌لری باشقه ولایت‌لر گه یوباریله‌دی.
