ارگ ایکس اجتماعی ترماغیده بیر خبرنامه ترقه‌تیب، اسلام امیرلیگی باش وزیرلیگی سیاسی اورین باسری محمد عبدالکبیر بیلن، کابل ده جاپان ایلچیسی تاکایوشی کورومیا نینگ اوچره‌شگنیدن خبر بیرگن.
مذکور اوچره‌شوودن ترقه‌تیلگن خبرنامه‌ده جاپان ایلچیسیدن نقل قیلینیب کیلیشیچه، اوشبو مملکت افغانستان گه انسان‌پرورلیک یاردم‌لرینی دوام بیریشی یانیده، افغانستان نی دنیا مملکت‌لری بیلن یقینلشتیریش اوچون واسطه‌چیلیک قیلیش گه اونملی حصه قوشه‌دی.
خبرنامه‌ده کابل ده جاپان ایلچیسیدن نقل قیلینیب کیلیشیچه: «جاپان افغانستان نی دنیا مملکت‌لری بیلن یقینلشتیریش اوچون واسطه‌چیلیک قیلیش گه اونملی حصه قوشیش نی ایستهیدی. جاپان قیته قوریش، رواجلنتیریش، ساغلیق و لایحه‌لر امکانیتی آشیریلیشی خصوصیده تیار دیر.»
بیزلرنینگ فیسبوک صحیفه‌میزگه باش اورینگ!
شونینگدیک اسلام امیرلیگی باش وزیرلیگی سیاسی اورین باسری، اوشبو اوچره‌شووده افغانستان خصوصیده مملکتلر خواطرلری نینگ اوچره‌شوو یولی آرقه‌لی حل بولیشی گه تاکید قیلگن. اونگه کوره، سرپرست حکومت سوزلشوو گه ایشانه‌دی و افغانستان خصوصیده مملکتلر خواطرلری گه حرمت قایل دیر.
بولر گه علاوه، بیلرمان‌لر نینگ ایشانچی گه کوره، افغانستان بیلن یقین بولیش خصوصیده دنیا یانده‌شوولری و افغانستان نینگ سیاسی انزوادن چیقیشی اوچون، اسلام امیرلیگی نینگ ایچکی سیاستی‌ده بیر قطار اوزگریشلر گه نیاز دیر.
بیلرمان‌لر نینگ ایشانچی گه کوره، اسلام امیرلیگی اوشبو حکومت‌دن عیال‌لر حقوقی تأمین‌لنیشی و همه شمول حکومت تشکیل بولیشی اساسیده دنیا ایسته‌کلرینی عمل گه آشیرمه‌گونچه، سیاسی انزوادن افغانستان نینگ چیقریش اوچون سعی و حرکت‌لر نینگ قیینچیلیک بیلن روپه‌ره بولیشی ممکن.
بوتوغریده سیاسی مسئله‌لر بیلرمانلریدن عبدالقدیر قانت نینگ سلاموطندار گه ایتیشیچه: «نه فقط جاپان، بلکیم دنیا افغانستان سرپرست حکومتی بیلن علاقه قوریش نی ایستهیدی و بو حکومت هم دنیا بیلن ایجابی تعامل قیلیش نی ایستهیدی، بیراق مذکور حکومت آرقه‌لی شرط‌لر نینگ نیچه مرته رد بولگنی بیر قیینچیلیک دیر. دنیا بیلن مناسبت تأمین‌لنیشی اوچون، بشر حقوقی، عیال‌لر حقوقی و همه شمول حکومت شکل‌لنیشی کبی ایسته‌کلر نینگ رعایت بولیشی کیره‌ک.»
شونینگدیک سیاسی مسئله‌لر بیلرمانلریدن باشقه بیری نجیب‌الرحمان شمال نینگ ایتیشیچه: «افغانستان نینگ یگانه ییچیم یولی، افغانستان نینگ برچه گروه و قتلم‌لری بیلن سیاسی اوچره‌شوولر یولی دیر. قیینچیلیکلر نینگ افغانستان ایچیده حل بولگنی و حکومت برچه نینگ رضایتی و ثبات بیلن ایجاد بولگنی‌ده، دنیا جماعه راضی بولیشی ممکن.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، بیلرمان‌لردن باشقه بیر قطاری دنیا بیلن علاقه قوریش خصوصیده ملی منفعت‌لر خصوصیده اعتبار قره‌تیش نی اونملی بیله‌دیلر. افغانستان خلقی نینگ بیرلیک حزبی رهبری محمدزلمی افغانیار پوپل، دنیا افغانستان ده دایمی امنیت و ثبات تأمین‌لنیشی فایده‌سی خصوصیده اعتبار قره‌تیلیشی بیلن رفتاری نی تنظیم قیلیشی نی بویروغ بیرگن.
افغانیار پوپل نینگ ایتیشیچه: «افغانستان‌ده اقتصادی برقرارلیک تامین ایتیلیشی عامه خوفسیزلیک بوییچه اونملی حصه قوشه‌دی دیگن توشینچه‌گه منطقه و خلق‌ارا مملکت‌لری ییتیشگن بولسه دیب امید بیلدیره‌من، اگرده مملکت‌لرنی افغانستان‌دن خواطری بولسه افغانستان هم اولردن و اولرنینگ استخباراتی اره‌لشیش‌لریدن خواطری بار اینقسه افغانستان قوشنی‌لریدن شوندی خواطری بار.»
عین حالده، اسلام امیرلیگی قطر پایتختی دوحه ده افغانستان موضوع‌سی خصوصیده صحبت و بحث قیلیش مقصد یولگه قوییلگن بیرلشگن ملتلر تشکیلاتی ییغینی گه، شرکت قیلمه‌گن.
