بریتانیانینگ افغانستان اوچون ایلچیخانه شارژدافیری رابرت دیکسن، کابل گه قیلگن سفری و اسلام امیرلیگی رسمی‌لری بیلن اوچره‌شگنی‌دن کیین، بو اوچره‌شوولرده‌گی اساسی موضوع‌لردن بیری‌نینگ افغانستان کیله‌جکی اوچون یخشی‌راق ییچیم یول تاپیش بولگنی نی اعلام قیلگن.
دیکسن اوز اکس صحیفه‌سیده ترقه‌تگن بیانیه‌ده یازیشیچه: «۲۰۲۵-ییل‌ده یخشی یول تاپیلیشی‌گه امید‌ی‌میز بار. موقت وزیرلر بیلن صحبت قیلگنی‌میز کبی، بیرلشگن ملتلر تشکیلاتی‌نینگ مستقل تیکشیرووی و بیرلشگن ملتلر تشکیلاتی خوفسیزلیک کینگشی‌نینگ ۲۷۲۱ قطع‌نامه‌سی، افغانستان اوچون رواجلنگن و خوفسیز بیر کیله‌جک کورسه‌تدی.»
بیزلرنینگ «ایکس» ترماغی ده هم تعقیب قیلینگ!
تصویب بولگنی‌دن قریب بیر ییل بولگن بیرلشگن ملتلر تشکیلاتی خوفسیزلیک کینگشی‌نینگ ۲۷۲۱ قطع‌نامه‌سیده، بیرلشگن ملتلر تشکیلاتی باش کاتبی آرقه‌لی افغانستان اوچون مخصوص نماینده تعیین‌لنیش بویروغی و خلق‌ارا همجمعیت گه افغانستان‌نینگ قیته قوشیلیشی بیان بولگن.
بو قطع‌نامه افغانستان اوچون بیرلشگن ملتلر تشکیلاتی‌نینگ باش‌کاتبی مخصوص نماینده‌سی فریدون سینیرلی‌اوغلو آرقه‌لی ارائه بولگن مستقل تیکشیروو گزارشی اساسیده، تصدیق‌لنگن ایدی.
اوشبو قطع‌نامه اسلام امیرلیگی‌نینگ مخالفتی سبب، حاضرگچه عملگه آشیریلمه‌ی و شونینگدیک افغانستان حاضرگچه هم دنیا همجمعیتی‌گه قوشیلمسلیک معماسی بیلن دوچ دیر.
شونده‌ی بیرحالده، اسلام امیرلیگی سوزلاوچیسی ذبیح‌الله مجاهد‌نینگ سلام‌وطندار گه ایتیشیچه، بیر قطار مملکت‌لر سیاستی، بیرلشگن ملتلر تشکیلاتی و باشقه مملکت‌لر بیلن تعامل گه توسق‌لیک قیلگن.
جناب مجاهد، بریتانیانینگ افغانستان اوچون ایلچیخانه شارژدافیری ینگی بیاناتی‌دن خوش قرشی‌لب ایتیشیچه: «افغانستان مملکت‌لر بیلن یخشی علاقه قوریش‌‌نی ایسته‌یدی. بیر قیین‌چیلیک بار که قطار مملکت‌لر پالیسی‌سی عقده‌لی بولیب و اسلام امیرلیگی‌نینگ بیرلشگن ملتلر تشکیلاتی و باشقه مملکت‌لر بیلن نورمال علاقه قوریشی گه قویمه‌گن. بریتانیا بو رقم بیر نرسه بویروغ بیرگنی‌ده یخشی بیر گپ دیر و اونینگ عملگه آشیریلیشی کیره‌ک.»
شونینگدیک خلق‌ارا رابطه‌لر ایش بیلرمان‌لریدن قطاری، افغانستان سیاسی وصعیتی‌ده احتمالی اوزگریش‌لری و حاضرگی قیینچیلیکلر یکونلنیشی‌‌گه نسبت امید‌‌وارلیک قیلگنلر.
خلق‌ارا رابطه‌لر بیلرمان‌لریدن عنایت‌الله همام و ولی فروزان‌نینگ سلام‌وطندار گه ایتیشلریچه، افغانستان اوچون بریتانیا ایلچیخانه شارژدافیری‌نینگ تاکید‌لر کبی بیانات‌لر، افغانستان‌نینگ حاضرگی وضعیت‌دن چیقریش خصوصیده دنیا‌نینگ تیارگرلیگی‌نی کورسته‌دی.
بیزلرنینگ فیسبوک صحیفه‌میزگه باش اورینگ!
شونینگدیک ولی فروزان‌نینگ ایتیشیچه: «اسلام امیرلیگی ایستمه‌گی بیرحالده، هیچ نرسه عملگه آشیریلمه‌یدی. انه شوو سبب، افغانستان توغریسیده مخصوص نماینده تعیین‌لنه آلمه‌یدی؛ چونکه اولر‌نینگ اجازه‌سی یوقو حتا افغانستان گه سفر قیله آلمه‌یدیلر.»
اسلام امیرلیگی‌نینگ قدرت گه ایریشگنی‌دن اوچ ییل‌دن کوپراق اوتیب، افغانستان ده قیینچیلیکلر یکونلنیشی و بو مملکت‌نینگ قیته دنیا همجمعیت‌گه قوشیلیشی اوچون کوپینچه سعی‌وحرکت بولگنی بیلن؛ بیراق حاضرگچه بو سعی‌وحرکتلر نتیجه بیرمه‌گن.
