افغانستان اوچون بیرلشگن ملتلر تشکیلاتی‌نینگ مخصوص نماینده اورین‌باسری اندریکا راتوات‌نینگ ایتیشیچه، افغانستان گه خلق‌ارا مالی یاردملر مرکزی رواجلنمه‌ی و شونینگدیک چیکلنیب قالگن.
اونینگ کوپه‌یتیریشیچه، افغانستان ده‌گی قیین‌چیلیکلردن قطاری بیلن خلق‌ارا بحران‌لر، اوشبو مملکت گه انسان‌پرورلیک یاردملر کمه‌یشی‌گه سبب بولگن. «خلق‌ارا همجمعیت تورلی‌خیل بحران‌لر بیلن روپهره دیر و بو منبع‌لر تورلی بولیم‌لر گه تقسیم بوله‌دی. افغانستان گه انسان‌پرورلیک منبع‌لر‌نینگ کوپراق کمه‌یشی خصوصیده خواطریم بار، چونکه اونینگ تاثیرلری کوپ یامان بولیشی ممکن.»
بو بیلن بیرگه، جاری ییل‌ده ولایت‌لردن قطاری‌ده سوو تاشقینلر عاقبتیده زیان کورگنلر‌نینگ ایتیشلریچه، نیازمند‌لیکلرینی تامین‌لش امکانیتی‌گه ایگه ایمسلر.
بیزلرنینگ «ایکس» ترماغی ده هم تعقیب قیلینگ!
جاری ییل‌ده یوز بیرگن سوو تاشقینلر عاقبتیده برچه نرسه‌سینی قولدن بیرگن هرات یشاوچیسی زهرا‌نینگ ایتیشیچه، هوا ساووق‌لیگی و باش‌پنه گه قول تاپه آلمسلیک، اولرنینگ حیاتینی تهدید بیلن روپهره قیلگن. «سوو تاشقین‌لری نتیجه‌سیده اویی‌میز اورته‌دن کیتدی؛ بیر مدت‌دن بیری یقین‌داشلریمیز اویی‌گه حیات کیچیره‌میز؛ حاضر اوی کرایه‌سی قیمت دیر و باش‌پنه قوریش‌گه هم کوچی‌میز ییتیشمه‌یدی.»
شونینگدیک هرات یشاوچیلریدن باشقه بیری شیما‌گل‌نینگ ایتیشیچه: «تاغلر تیپه‌سیده حیات کیچیره‌میز؛ برچه‌میز بیابان‌ده حیات کیچیره‌میز؛ یاقیلغی ماده‌میز یوق؛ پولی‌میز یوق که آزیق-آوقت ساتیب آلسک.»
غور یشاوچیلریدن بیری عزت‌الله، خلق‌ارا یاردم بیرووچی نهادلردن افغانستان ده طبیعی واقعه‌لر طفیلی زیان کورگنلر گه یاردم‌لری‌نینگ کوپه‌یتیریشلرینی ایسته‌گن. اونینگ کوپه‌یتیریشیچه: «سوو تاشقینلر کیت‌مه-کیت یوز بیردی؛ حاضرگچه درست شکلده یاردم بیریلمه‌گن؛ قیش موسومی کیلگن و اهالی آزیق-آوقت و یشش جای کم‌لیگی بیلن روپهره دیر و بیزلر زیان کورگن‌میز.»
شونده‌ی بیرحالده، افغانستان اوچون امریکا ایلچی‌خانه‌سی، افغانستان‌نینگ اقتصادی قیین‌‌چیلیکلری کینگه‌یشی خصوصیده خواطر بیلدیرگن. مذکور نهاد، بیر اعلامیه آرقه‌لی افغانستان اهالیسی اقتصادی وضعیتی یخشی‌لنیشی اوچون خلق‌ارا همجمعیت‌نینگ سعی‌وحرکتی گه تاکید قیلگن.
سیاسی و اقتصادی ایش بیلرمانلر‌‌دن قطاری‌نینگ ایتیشلریچه، اورته شرق‌ده‌گی توقنشوولر افغانستان گه مملکت‌لر‌نینگ یاردم بیریش خصوصیده قیزیقشی‌نی کمه‌یتیرگن.
بیزلرنینگ فیسبوک صحیفه‌میزگه باش اورینگ!
سیاسی مسئله‌لر بیلرمانی نیازمحمد همدرد‌نینگ ایتیشیچه، اسلامی مملکت‌لر خلق‌ارا همجمعیت بیلن باشقه مملکت‌لرنی افغانستان گه یارد بیریش خصوصیده تشویق قیله آله‌دیلر. اونینگ کوپه‌یتیریشیچه: «یاردملر کمه‌یشی سببلریدن بیری اوکراین موضوع‌سی دیر، غربی مملکت‌لر یاردمی او تامان گه قره‌تیلگن؛ شونینگدیک غزه، سوریه و لبنان ده توقنشوولر، یاردملر کمه‌یشی سببلریدن باشقه بیری دیر.»
اقتصادی مسئله‌لر بیلرمانی عبدالشکور هده‌وال‌نینگ ایتیشیچه، افغانستان گه مملکت‌لر‌نینگ یاردملری کمه‌یشی بو مملکت اقتصادی خصوصیده سلبی عاقبتلر گه ایگه بولیشی ممکن. «بیرلشگن ملتلر تشکیلاتی، امریکا و اروپایی مملکت‌لر افغانستان گه یاردم بیرمه‌گنلری و اهالی‌نی قشاق‌لیک‌دن چیقرمه‌گنلری صورت‌ده، وضعیت یامان‌لنیب و اونینگ جبران بولمسلیگی ممکن؛ انه شوو سبب بو یاردم‌لر‌نینگ اینیقسه قیش‌ده دوام قیلیشی کیره‌ک.»
اوتگن هفته سه‌شنبه کونی بیرلشگن ملتلر تشکیلاتی‌نینگ خلق‌ارا آزیق-آوقت دستوری، ۱۵ میلیون افغانستان اهالی‌سی‌نینگ آزیق-آوقت خصوصیده‌گی نیازلرینی تامین‌لش‌ده قیین‌چیلیک بیلن روپهره بولگنلری و بو نهاد‌‌نینگ کیله‌سی آلتی آی‌ده فعالیت‌لری دوامی اوچون ۷۱۸ میلیون دالر گه نیازی بارلیگی‌نی اعلام قیلگنی بیرحالده، افغانستان گه انسان‌پرورلیک یاردملر چیکلنگنی‌دن خواطرلر بیان بولگن.
