«لوگر ولایتی اصلی یشاوچیسیمین و ۱۳۶۶-ییلده کابل شهریده توغیلدیم. مکتبنی کابل ده سید نورمحمدشاه مینه مکتبیده بیتیردیم. لیسانسیمنی تیل بولیمیده و ماسترلیگیمنی ایسه ۱۴۰۲-ییلده دولتی مدیریت بولیمیده بیتیردیم.»
بویوک یوتوقلر نه فقط بیر کیشینینگ استعداد و سعیوحرکتی بیلن قولگه کیلهدی، بلکیم مناسب امکانیت گه هم نیازی بار. بولردن برچهسی قولگه کیلگنی پیتده، اجتماعی تاثیرلر یانیده بو فرصتلردن محروم بولگن کیشینینگ اوزی اوچون هم کوپینچه تاثیری بولیشی ممکن.
۲۰۰۶-ییلده اجتماعی بیر تدبیرکار صفتیده جمعیتگه آدیم قویگن «نوا» موسسهسینینگ باشمدیری محمدحامد فیضیگه کوره، بالهلیک چاغیدن اهالی قیینچیلیکلریگه آشنا بولگن؛ انه شوو سبب، درسگه شغللنگن ییللری امید بیلن توله یورهگی و کوچلی ارادهسی بیلن محروم عایلهلر و یاشلر گه یاردم بیریشگه قرار آلگن. اونینگ ایتیشیچه: «۲۰۰۶-ییلدن بویان افغانستاننینگ تورلی ولایتلریده تورلی موسسهلر بیلن و تورلی ساحهلرده تعلیمی و اجتماعی بولیملرده ایشلهگنمین و ۲۰۱۹-ییلدن بویان نوا موسسهسی باشمدیری صفتیده ایشلهیمن.»
بیزلرنینگ «ایکس» ترماغی ده هم تعقیب قیلینگ!
حامدنینگ ایتیشیچه، سونگی ییللردهگی فعالیتلری بیلن برچه بویوک یوتوقلرنینگ کیچیک آدیملر بیلن باشلنیشیگه اینانگن؛ انه شوو سبب، کوچلی اراده و کیچه-کوندوز سعیوحرکت بیلن نوا موسسهسی رهبرلیگیده افغانستاننینگ ۱۰ ولایتیده تعلیمی، ساغلیق و اجتماعی برنامهلرینی اوتکزگن. «حاضر نوا موسسهسی افغانستاننینگ ۱۰ ولایتی ده تورلی حمایتچیلر بیلن، ایکینچیلیکده درآمد قولگه کیلتیریش بدیل بوییچه برنامهلرنی اوتکزیش آرقهلی اجتماعی کوچلنتیریش، ساغلیق و تعلیمی برنامهلرنی عملگه آشیرهدی.»
محمدحامد فیضی، ۲۰۲۳-ییلده اهالی بیلن همکارلیک قیلیش یانیده تجارت گه یوز کیلتیریشگه قرار آلیب و یوویش مادهلرینی تولید قیلهدیگن بیر کارخانهنی آچیش بیلن، تازهلش صناعتی رواجلنیشیده یوقاری آدیم قویگن. مذکور کارخانه ۱۰ خیلدن آرتیق یوویش مادهلری و معدنی سوونی ارائه قیلیش بیلن مشتریلر نیازلرینی تامینلش گه حرکت قیلگن. بو کارخانه محصوللری «ریچ» برندی بیلن بازار گه عرضه بولیب و بو صناعتده صفت و ینگیلیک توغریسیده بولگن سوزنی کورستهدی.
اونینگ ایتیشیچه: «مذکور کارخانه ۲۰۲۳-ییلده، معدنی سوو و ۱۰ خیلدن آرتیق یوویش مادهلرینی تولید قیلیش توغریسیده فعالیت گه باشلهدی. قیغو بیلن بیر قطار قیینچیلیکلر سبب، بیر مدت ایشی توختهدی؛ بیراق ینه هم اونینگ قیته فعالیتگه باشلشی اوچون سعیوحرکت قیلماقدهمیز.»
حامدنینگ سعیو حرکتی نه فقط نوا موسسهسی و تولیدی کارخانه توغریسیده دیر؛ بلکیم او ساغلام رقابتلر و سپورت فعالیتلری گه ییگیتلرنی تشویق قیلیش مقصد سپورت بوییچه نهادلر بیلن همکارلیک قیلهدی. حامدنینگ ایشانچیگه کوره، ساغلام تن گه ایگه بولیش ساغلام روح گه ایگه بولیش دیر و انه شوو سبب، افغانستان المپیک ملی کمیتهسی و فریزبی و اسکیت سپورتلری فدراسیونلری بیلن همکارلیک قیلهدی. «اجتماعی و سپورت برنامهلری بولیملریده افغانستان المپیکی و فوتبال سپورت فدراسیونی، فریزبی فدراسیونی و افغانستان اسکیت فدراسیونی بیلن همکارلیگیم بار.»
حامدنینگ کوپهیتیریشیچه، یاشلر مملکت کیلهجگی نی قورهدیگن کیشیلر دیر و یاشلرنینگ استعدادلری گه توجه قرهتیلیشی کیرهک چونکه اولر، افغانستان کیلهجگی دیر. «ییگیتلر گه تعلیم و رواجلنیش زمینهسی یرهتیلیشی، بو مملکت کیلهجگی اوچون بویوک سرمایه یاتقیزش دیر.»
بیزلرنینگ فیسبوک صحیفهمیزگه باش اورینگ!
محمدحامد فیضی، موفقیتگه ایریشیش یولیده کوپینچه قیینچیلیکلر بیلن روپهره بولگن؛ لیکن او هیچ قچان سعیوحرکتدن قول تارتمهگن. اونگه کوره، قیینچیلیکلر اونی کوچلنتیریب و کوپراق تلاش قیلیشیگه سبب بولگن. شونینگدیک او دایم بیر کیشی بولگنی ایمس، بلکیم یخشیراق کیلهجککه ایگه بولیش آرزوسی بولگن باشقه یوزلب مینگ یاشنینگ نمایندهسی بولگنیگه توشینهدی.
شوندهی بیرحالده، اقتصادی مسئلهلر بوییچه ایش بیلرمانلرنینگ ایشانچلریگه کوره، تورلیخیل بولیملر اینیقسه تجارت ساحهسیده یاشلر حضوری، افغانستاننینگ اقتصادی رواجلنیشیگه اونملی رول اوینهشی ممکن. اقتصادی مسئلهلر بیلرمانی شاکر یعقوبینینگ ایتیشیچه: «بیر ییگیت کیچیک بیر تجارت گه باشلهگنیده، بو اقدام باشقه ییگیتلرگه هم ایش فرصتلری یرهتیلیشیگه زمینه یرهتهدی. بو مسئله ایشسیزلیک و اقتصادی قیینچیلیکلر بیلن روپهره بولگن اینیقسه افغانستان کبی بیر مملکتده، تاثیرچین دیر.»
محمدحامد فیضی، نه فقط بیر اسم، بلکیم اجتماعی قیینچیلیکلر برابریده امید و حرکت رمزی بولیب و اونینگ حکایهسی، باشقهلر حیاتیگه یخشیلیک آلیب کیلیشنی ایستهگن هر بیر انساننینگ حکایهسی دیر.
