سوریه انسان حقلرینی کوزهتووچی تشکیلات گه کوره، اسرائیلنینگ سوریه گه هوا و دران آرقهلی هجوملری عاقبتیده چمهسی ۲۵۰ کیشی هلاک بولگن.
اسرائیل، ۲۵-سرطان، چهارشنبه کونی، سوریه پایتختی دمشقده بو مملکت مدافعه وزیرلیگینی نشانگه آلدی. سوریه انسان حقلرینی کوزهتووچی تشکیلاتنینگ معلوماتلری اساسیده، بو هجومده اوشبو وزیرلیکنینگ چمهسی ۱۵ خادمی هلاک بولگن.
بیزلرنینگ فیسبوک صحیفهمیزگه باش اورینگ!
اسرائیل اردوسی، دوشنبه کونی سوریه تانکلرینی نشانگه آلیب و بو مملکت حربی کوچلری گه قرشی دران آرقهلی هجوملریگه دوام بیرگن.
اسرائیل، بو مملکت جنوبیده سوریه اردوسی ییرلشتیریلیشیگه یول قویمهی و «دروزی» جماعهسینی دمشق دولتی ظلمیدن حمایه قیلیشینی بیلدیرگن.
دروزی جماعهی کوپلب اعضالری اسرائیلنینگ قۉللب-قوتلش ادعاسینی رد اېتماقده، چونکه «اولر چیتایل وکیلی» صفتیده کوریلیشیدن قورقهدیلر.
بیزلرنینگ «ایکس» ترماغی ده هم تعقیب قیلینگ!
دروزیلر، سوریه و یقین شرقدهگی دینی آزچیلیک بولیب، اولر اوشبو مملکت جنوبیدهگی سویدا ولایتی اهالیسینینگ اکثریتینی تشکیل اېتهدی.
سوریه اردوسی، یکشنبه کونی دروزی و چول-کوچمنچی عرب قبیلهلری اورتهسیدهگی تینچلیکنی برقرار اېتیش مقصدیده سویدا ولایتی گه کېردی.
بو ناتینچلیکلر اوتگن جمعهدن بیری دمشق قتناو یولیده دروزی بیر سوداگری اوغیرلنگچ باشلنگن.
