سرپرست حکومت سوو و برق وزیرلیگی، بوگون و ایرته (۲۳ و ۲۴-ثور کون‌لری) مملکت مقیاسیده کوچلی یامغیر و قار یاغیب، سوو تاشقینی و بیر قطار دریالر نینگ سوولری تاشیش احتمالیدن آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
اوشبو وزیرلیک بوگون ایکس اجتماعی ترماغی ده بیر بیانیه ترقه‌تیب یازیشیچه، اقلیم اۉزگریشی، سرپرست حکومت هواشناس‌لیک ریاستی و خلق‌ارا ایشانچلی ارگان‌لر نینگ پیش‌بینلیگی اساسیده، مملکت نینگ بیرقطار ولایت‌لریده کوچلی یامغیر و قار یاغیب همده بدخشان، تخار، بغلان، پنجشیر، غوربند، کابل، لوگر، میدان‌وردک، کنر و لغمان ولایت‌لری دریالری نینگ سووی تاشیش احتمالی پیش‌بینلیک بولگن.
سوو و برق وزیرلیگی نینگ بیانیه‌سیده کېلیشیچه: «یامغیر طفیلی سوو تاشقین یوز بیریش احتمالی و قار ییریشی همده بدخشان، تخار، بغلان، پنجشیر، غوربند، کابل، لوگر، میدان‌وردک، کنر و لغمان ولایت‌لری نینگ دریالریده سوو تاشیش احتمالی پیش‌بینلیک بولگن.»
بیزلرنینگ «ایکس» ترماغی ده هم تعقیب قیلینگ!
سۉنگی کون‌لرده مملکت نینگ بیرقطار ولایت‌لری کوچلی یامغیر یاغیشی طفیلی سوو تاشقین‌لری گواهی بولگن.
ایتیش کېره‌ک، سۉنگی کون‌لرده بدخشان، تخار، بغلان، سمنگان، هرات و غور ولایت‌لریده‌گی دهشتلی سوو تاشقین‌لری عاقبتیده ۳۰۰ دن آرتیق کیشی قربان بولگن.