سوو و برق وزیرلیگی مسئوللری نینگ ایتیشلریچه، کیله‌سی ییل‌ده قوروق‌چیلیککه قرشی کوره‌ش و توغان‌لر نی قوریش بوییچه ییریک لایحه‌لر نی عمل گه آشیریش خصوصیده خلق‌ارا نهاد‌لر نینگ همکارلیگی گه نیاز بار.
سوو و برق وزیرلیگی سوزلاوچیسی مطیع‌الله عابد، ۱۴۰۳-ییل‌ده قوروق‌چیلیک بحرانی دوامی نی تصدیق‌لب ایتیشیچه، اوشبو وزیرلیک بو بحران بیلن قرشی کوره‌ش اوچون ۳۸ ییریک سوو توغانی یانیده، هر تومن‌ده کیچیک سوو توغانی نی قورگن دیر.
بیزلرنینگ فیسبوک صحیفه‌میزگه باش اورینگ!
جناب عابد نینگ کوپه‌یتیریشیچه: «قورق نینگ دوامی بار، حقیقتا قوروق‌چیلیک دیر. بو وزیرلیک جاری ییل و کیله‌سی ییل‌ده ۴۲۰ میلیون افغانی‌لیک ۱۴۰ توغان نی نظر گه آلگن که ۱۱۳ ته‌سی فایده‌لنیش گه تاپشیریلگن. بولر قوروق‌چیلیککه قرشی کوره‌ش و سوو منبع‌لری نی تغذیه قیلیش اوچون بو توغان‌لر فایده‌لی دیر. تشقی نهاد‌لر نینگ همکارلیگی اساسی دیر. ییریک لایحه‌لر خصوصیده سهم آلیشلری کیره‌ک.»
شونده‌ی بیرحالده، ایکینچیلردن قطاری یامغیر و قار یاغمسلیگی‌دن خواطر بیلدیریب ایتیشلریچه، بو ییل کبی کیله‌سی ییل هم ایکینچیلیک محصول‌لری نینگ کمه‌یشی گه گواه بولیشلری ممکن.
قندهار ده ایکینچیلردن محمدعوض نینگ ایتیشیچه: «حاضرگچه بو رقم قوروق‌چیلیک نی کورگنی‌میز یوق ایدی، اوتگن ییل یامغیر نی کورمه‌دیک، نرسه ایکه‌میز، قوروق‌چیلیک اوچون حاصل بیرمه‌یدی. سوو سطحی هم قویی دیر. سولری ماشین‌لر هم قوله‌ی بیر شکلده سوو نی یوقاری چیقره آلمه‌یدی. اوتگن پیتلرده ۳-۴ انچ یوقاری چیقره‌ر ایدی، حاضر ایسه ۲ انچ نی هم چیقره آلمه‌یدی.»
باشقه بیر تامان‌دن، اطراف-محیط بوییچه ایش بیلرمان‌لر نینگ ایتیشلریچه، قوروق‌چیلیک بیلن قرشی کوره‌ش اوچون، حکومت و اهالی نینگ چاره-تدبیر کوریشی کیره‌ک.
بیزلرنینگ «ایکس» ترماغی ده هم تعقیب قیلینگ!
اطراف-محیط بوییچه ایش بیلرمان‌لریدن محمد‌داوود شیرزاد نینگ ایتیشیچه: «قوروق‌چیلیککه قرشی کوره‌ش اوچون، دولت و اهالی نینگ چاره-تدبیر کوریشی کیره‌ک. ایکینچیلر آز سوو بیلن مقارم بولگن اوسیم‌لیکلر نی تنلشلری کیره‌ک. شونینگدیک دولت سوو نی باشقریش و ذخیره‌لر قوریلیشی خصوصیده توجه قیلسین، چونکه بو توغان‌لر محلی یامغیر‌لر اوچون زمینه یره‌ته‌دیگن و سبزه‌لر نینگ ییشیل بولیشی اوچون دیر و سوو نینگ استه-سیکین ذخیره بولیشی گه سبب بوللیب و سوو سطحی نینگ ییر آستیگه کیتیشی گه قویمه‌یدی.»
بیرلشگن ملت‌لر تشکیلاتی نینگ آزیق-آوقت دستوری اوتگن کون ایکس صحیفه‌سیده، افغانستان بویلب سوو کم‌لیک بحرانی نی باشقریش اوچون، شرکت‌لر و اهالی یاردمی بیلن سوو توغان‌لری نینگ قوریش گه دوام بیریشی نی یازگنی بیرحالده، سوو و برق وزیرلیگی قار و یامغیر یاغیشی نینگ کمه‌یگنی سبب کیله‌سی ییل قوروق‌چیلیک‌لر دوامی‌دن آگاه‌لنتیرگن.