پاکستان رسمیلرینینگ ایتیشلریچه، بوگون اوشبو ولایت شمالغربیده یوز بیرگن خودکش هجوم نتیجهسیده، پاکستاننینگ ۱۳ عسکری هلاک بولگن.
خلقارا ییتکرمهلرنینگ گزارش بیریشیچه، شمالی وزیرستان ده یوز بیرگن مذکور خودکش هجوم نتیجهسیده، شونینگدیک ۱۰ حربی و ۱۹ تینچاهالی شامل ۲۹ کیشی یرهلنگن.
بیزلرنینگ «ایکس» ترماغی ده هم تعقیب قیلینگ!
شمالی وزیرستان منطقهسیدهگی محلی دولت رسمیلریدن بیرینینگ ایتیشیچه: «بیر خودکش هجومچی، بمب یوکلنگن بیر نقلیه واسطهنی، حربی بیر کاروان گه اوردی. بو پارتلشده نتیجهسیده، ۱۳ عسکر اولیب، ۱۰ حربی و ۱۹ تینچاهالی یرهلندی.»
گزارشلر اساسیده، اوشبو خودکش هجوم عاقبتیده، شونینگدیک ایکی یشش اوینینگ تامی قولب توشیب و آلتی باله یرهلنگن.
حاضرگچه، بو واقعه مسئولیتینی بیرار گروه یا-ده کیشی بوینیگه آلمهگن.
بیزلرنینگ فیسبوک صحیفهمیزگه باش اورینگ!
سونگی ییللرده پاکستان اینیقسه خیبرپشتونخواه و بلوچستان ایالتلریده ناتینچلیکلر کوپهیگن.
پاکستان، ۲۰۲۵-ییلده خلقارا ترورچیلیک معیاریده ایکینچی اورینده قرار تاپیب و شونینگدیک ترورچیلیک هجوملریده قربانیلر سانی هم، ۴۵ فایز آشگن دیر.
