پاکستان میدیالری نینگ معلوماتی اساسیده، اوشبو مملکت نینگ کویته شهری ده اویوشتیریلگن خودکش هجوم عاقبتیده بیر پولیس مقامی شامل ۳ کیشی هلاک بولگن و باشقه ۳۰ دن آرتیق کیشی یره‌لنگن.
گزارش‌لر اساسیده، مذکور پارتلش بوگون (چهارشنبه، ۹ قوس)، کویته نینگ «بالیلی» منطقه‌سیده یوز بیرگن و پولیس کوچلری نشانگه آلینگن.
بیزلرنینگ فیسبوک صحیفه‌میزگه باش اورینگ!
پاکستان پولیسی بیر مقامی گه کوره: «پارتلش ده پولیس کوچلری نشانگه آلینگن، ۱۵ پولیس شامل ۳۰ دن آرتیق کیشی یره‌لنگن. بیر پولیس، بیر عیال و بیر باله اولگن.»
پاکستان‌لیک مذکور پولیس مقامی نینگ کوپه‌یتیریشیچه، حادثه باله‌لر فلجی (پولیو) گه قرشی ایملش کمپاینی پیتیده صادر بولگن.
پاکستان باش وزیری شهباز شریف اوشبو هجوم نی قاره‌لب ایتیشیچه، «جنگری‌لر» باله‌لر فلجی گه قرشی ایملش کمپاینی گه مانع بولیش ریجه‌لریگه، غالب بوله آلمه‌یدیلر.
بیزلرنینگ توییترده هم تعقیب قیلینگ!
پاکستان طالبلر تحریکی (تی‌تی‌پی)، بیر بیانیه ترقه‌تیب مذکور هجوم مسئولیتینی تن آلگن و بو هجوم اوشبو گروه نینگ رهبرلریدن بولمیش عمر خالد خراسانی اولدیریلیشی گه قرشی، اویوشتیریلگنینی ایتگن.
پاکستان طالبلر تحریکی اوشبو هفته باشله‌نیشیده، پاکستان دولتی بیلن آتش کیسین‌نی لغو قیلیب و شبه‌نظامی‌لری گه، مذکور مملکت بویلب هجوم‌لرینی باشلش بویروغینی بیرگنینی اعلام قیلدی.
