قندوز امنیتی مسئوللری، اوشبو ولایت مرکزی قندوز شهری‌ده اویوشتیریلگن خودکش هجوم عاقبتیده ۱۲ کیشی اولیب ویره‌لنگنینی تصدیقله‌گنلر.
قندوز امنیه قوماندانلیگی سۉزلاوچیسی جمعه‌الدین خاکسار سلام‌وطندار بیلن اوتکزگن صحبتیده، بیر خودکش هجومچی بوگون (۲۳-دلو، سه‌شنبه) ایرته‌لب ساعت ۸:۳۵ اطرافی‌ده، قندوز شهری «کابل بانک» یقینیده اۉزینی پارتلتگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
قندوز امنیه قوماندانلیگی سۉزلاوچیسی گه کوره، اوشبو واقعه‌ده بیش حربی و تینچ اهالی جمله‌دن بانک قوریقچیلری، قربان بولیب و باشقه ییتّی کیشی یره‌لنگن.
اونینگ کوپه‌یتیریشیچه: «واقعه گه دایر حاضرگه قدر هېچ کیم قولگه آلینمه‌گن؛ بیراق قندوز ولایتی امنیه قوماندانلیگی‌نینگ کشفی خادملری باغلیق نهادلر بیلن بیرگه، واقعه عامللرینی تانیب و قولگه آلیش اوچون سعی-حرکت قیلماقده‌لر.»
قندوز امنیتی مسئوللری‌نینگ ایتیشلریچه، مذکور واقعه طفیلی یره‌لنگنلر دوالنیش اوچون اوشبو لایت‌نینگ حوزه‌وی کسلخانه‌سیگه آلیب باریلیب و دوالنماقده و اولرنینگ احوالی قانیقرلی دییلگن.
بیزلرنینگ «ایکس» ترماغی ده هم تعقیب قیلینگ!
مذکور خودکش هجوم مسئولیتینی حاضرگه قدر هېچ کیم یا-ده گروه تن آلمه‌گن. بوندن آلدین خودّی شو کبی واقعه‌لر مسئولیتینی داعش گروهی تن آلگن.
