سمنگان ولایتی درهیصوف بالا و پایین تومن‌لری قتناو یول هیداوچیلری دن بیرقطاری، اوشبو یول بوزوق‌لیگی دن شکایت قیلیب ایتیشلریچه، بو مسئله اولر نی ایریم قیینچیلیک‌لر بیلن روپه‌ره قیلگن و حتا موترلری استهلاک بولگن.
اوشبو یول ده یوک تاشووچی موتر هیداوچیلردن عبدالقهار گه کوره: «درهیصوف باره‌میز، بو یول جوده هم بوزوق دیر. ایش و غریب‌چیلیک یوق موتر قیینچیلیک تاپه‌دی.»
درهیصوف قتناو یولی هیداوچیلریدن باشقه بیری عبدالرزاق نینگ ایتیشیچه، یول بوزوق‌لیگی باعث، سمنگان مرکزی دن درهیصوف آره‌سیده ۱۴ ساعت قتنه‌ی میز. او نینگ کوپه‌یتیریشیچه: «سمنگان دن درهیصوف گه قدر ۱۴ ساعت یول یوری‌میز. یول بوزوق. کپرک دیر، بوریلمه‌لری بوزوق دیر موتر کلاه‌سی توپراققه توله‌دی، کوپ قیینچیلیک بیلن دوچ میز.»
بیزلرنینگ فیسبوک صحیفه‌میزگه باش اورینگ!
باشقه تاماندن، سمنگان ولایتی درهیصوف بالا و پایین تومن‌لری نینگ قوم بویوک‌لری دن بیرقطاری گه کوره، سمنگان مرکزی و درهیصوف بالا و پایین تومن‌لری آره‌لیغی ۱۳۰ کیلومتر دیر و یول بوزوق‌لیگی مذکور ایکیله تومن یشاوچیلری نینگ ایریم قیینچیلیک‌لر بیلن روپه‌ره قیلگن.
درهیصوف تومنی قوم بویوک‌لری دن عبدالاحمد نینگ ایتیشیچه: «بو ییر قیر قیلینگن سرک نینگ یکونی دیر، بو ییردن درهیصوف تومنی گه قدر ۱۳۰ کیلومتر یول دیر. اوشبو سرک اطرافی ده‌گی قیشلاق‌لر اهالیسی، هر بیری اوچ-تورت ساعت موتر بیلن یول یوریدیلر. بعضیلری نینگ یولی بار و بعضیلری نینگ یولی یوق، کوپ قیینچیلیک بیلن روپه‌ره‌میز.»
درهیصوف تومنی قوم بویوک‌لری دن باشقه بیری محمدالله بیک گه کوره: «بو سرک آخری گچه بوزوق دیر. یشاوچیلر حقیقتن هم قیینچیلیک بیلن روپه‌ره دیر. یول دوامی ده داوان‌لر بار کوپریک یوق. قیش موسومی ده یشاوچیلر کوپ قیینچیلیک بیلن روپه‌ره بوله‌دیلر.»
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، سمنگان فواید عامه ریاستی نینگ سرک‌لر نی قوریقلش مسئوللری گه کوره، بو ریاست مذکور سرک نینگ قیته توزه‌تیش و جغل توشش ایشینی «ایکینچی درجه» ده باشله‌گن و بودجه اجره‌تیلیشی بیلن اسفالت قیلیش ایشی باشلنه‌دی.
سمنگان ولایتی فواید عامه ریاستی سرک‌لر نی نظارت قیلیش و طرحی ایشلری بوییچه مسئولی نجیب‌الله نینگ سلام‌وطندار گه ایتیشیچه: «حفظ و مراقبت قیلیش ایشی‌میز نی عملگه آشیریش گه پلانی‌میز بار. احتمالاً بو سرک اوستیده بیر آی ایشله‌شی میز ممکن. فواید عامه ریاستی نینگ ماشینری تامانیدن ایکینچی درجه ده جغل توشیش گه قرار قیلگن‌میز.»
ایتیش کیره‌ک، سمنگان ولایتی درهیصوف بالا و پایین تومن‌لری نینگ جمعیتی ۲۰۰ مینگ دن آرتیق دیر؛ بیراق قتناو یوللری بوزوق و حاضرگچه توزه‌لمه‌گن.
