فاریابنینگ کوچهلریدن بیریده حیات کیچیرهدیگن ۴۰ یاشر بیر عیال، هر کونی ایرتهلب فرزندلریگه بیر لقمه نان تاپیش اوچون اوییدن چیقهدی. لیلا اسملی اوشبو عیال، ییتی باله آنهسی دیر.
لیلا، تورموش اورتاغینینگ بنگیوار ماده گه چلینگنیدن کیین، عایله مسئولیتی یوکی بوینیگه توشگنینی بیان قیلیب و ایتیشیچه: «مین هم بیر آنه، هر بیر آته و همده بیر ایشلاوچی بولیشگه مجبورمین؛ چونکه فرزندلریم آنه، آته و اولرنینگ نیازلرینی تامین قیلووچی بیر کیشیگه نیازلری بار.»
اوشبو آنهنینگ کوپهیتیریشیچه، بالهلری نیازلرینی تامینلش مقصد، اهالی اوییگه باریب کییم یوویش، قالین یوویش و پاککارلیک ایشلرینی قیلیب و بو یول آرقهلی، کونده قریب ۲۰۰ افغانی قولگه کیلتیرهدی. «بعضا کیچهگچه ایشلهیمن و ینه هم ایرته نیمه بولهر ایکن دیهمن. ایش تاپیلمسه، فرزندلریم نیمه قیلهر و نیمه ییهر دیب توشینهمن.»
بو نهفقط لیلانینگ حیات حکایهسی دیر، بلکیم گلثوم هم بو کبی بیر وضعیتده قرار تاپگن. ییللردن بیری عایله سرپرستلیگی یوکی بوینیگه بولگن مذکور آنهنینگ ایتیشیچه: «قولیم آغریدی؛ لیکن ایشلش گه مجبورمین. بیر کون ایشلمسهم، اوشه کون بالهلریم آچ قالهدی.»
۳۵ یاشر گلثومنینگ کوپهیتیریشیچه، بالهلریدن بیری درست آوقتلنمسلیک سبب، توییب آوقتلنمهی و بو وضعیت اونینگ اوچون جودهیم قیغولنتیرووچی دیر. «بالهم ینه هم آچ قالهدی، اونگه قوروق سوت ساتیب آلالمهیمن.»
اوشبو عیاللر، فرزندلرینینگ مکتب گه باریشینی و اولر کبی تقدیرگه دچار بولمسلیگینی تامینلشگه سعیوحرکت قیلماقده.
قویاش باتیب و هوا قرانغو بولماقده و ایش و چرچهش بیلن توله بیر کوننی اوتکزیشدن کیین، لیلا اویی تامان حرکت قیلهدی. او، حیاتنینگ برچه قیینچیلیکلری یانیده، تیک توختهب و کورهش گه مجبور دیر؛ بو کورهش ایسه بعضا جمیعتدهگی اَیریم کیشیلر تامانیدن حقارت و حرمتسیزلیککه چیدهش عوضیگه دوام ایتهدی.
