بیرلشگن ملت‌لر تشکیلاتی نینگ انسان‌پرور‌لیک یاردم‌لر هماهنگ قیلووچی دفتری (اوچا)، ایچکی و خارجی نادولتی مؤسسه‌لرده عیال ایشلاوچیلر ایشی توخته‌تیلیشی اساسیده‌گی اسلام امیرلیگی نینگ ینگی قراری گه قرشی عکس‌العمل کورستیب، اوشبو قرار نی قاره‌لگن.
اوچا شنبه کیچه ۳-جدی، بیر خبرنامه ترقه‌تیب ایتیشیچه، افغانستان ده‌گی شریک‌لری و بیرلشگن ملت‌لر تشکیلاتی گه تیگیشلی نهادلری، ایچکی و خارجی نادولتی مؤسسه‌لرده عیال ایشلاوچیلر ایشی توخته‌تیلیشی اساسیده‌گی اسلام امیرلیگی نینگ ینگی قراری نی قاره‌له‌یدیلر.
بیزلرنینگ توییترده هم تعقیب قیلینگ!
خبرنامه‌ده کیلگن که: «بو کبی بویروغ عیاللر نینگ اساسی حقلری نی نقض قیله‌دی و انسان‌پرور‌لیک قاعده‌لر گه قرشی دیر.»
عین حالده، اقتصاد وزیرلیگی شنبه کیچه ۳-جدی، بیر مکتوب ترقه‌تیش بیلن ایچکی و خارجی نادولتی مؤسسه‌لرده عیال ایشلاوچیلر ایشی نی توخته‌تگن.
مذکور مکتوب‌ده نادولتی یازیلگن موسسه‌لر عنوانی‌ده کیلگن که، سونگی کون‌لرده نادولتی موسسه‌لرده عیاللر تامانیدن حجاب و شونینگدیک اسلام امیرلیگی نینگ قانون-قاعده‌لری رعایت بولمه‌گنی خصوصیده‌گی شکایت‌لر قید ایتیلگن.
اقتصاد وزیرلیگی مذکور مکتوب‌ده کوپه‌یتیرگن که، اوز مسئولیتی نی انجام بیریش مقصدی‌ده بوتون ایچکی و خارجی نادولتی مؤسسه‌لر گه عیال ایشلاوچیلری نینگ ایشینی کیینگی امرگچه توخته‌تیش بویروغینی بیرگن مذکور وزیرلیک تامانیدن فعالیت جوازی بیریلگن مؤسسه‌لر بوتوغریده دقت قیلمه‌گن تقدیرده، متخلف موسسه‌لر جوازی نینگ لغو بولینیشی خصوصیده آگاه‌لنتیرگن.
بیزلرنینگ فیسبوک صحیفه‌میزگه باش اورینگ!
ایچکی و خارجی نادولتی موسسه‌لرده عیاللر ایشی توخته‌تیلیشی اساسیده‌گی اسلام امیرلیگی نینگ ینگی قراری، ایچکی و تشقی عکس‌العمل‌لر بیلن روپه‌ره بولگن.
ایتیش کیره‌ک که، اسلام امیرلیگی قدرت گه ایریشگنیدن بویان، عیاللر نی دولتی اداره‌لرده ایش قیلیش‌دن محروم قیلگن. اوشبو حکومت ینگی‌لیکده مملکت بیلیم یورت‌لریده قیز طلبه‌لر تحصیلی نی هم کیینگی امرگچه تعلیق حالتی گه کیلتیرگن.
