غزنی ولایتی تومن‌لریده ۲۶ ساغلیق مرکز نینگ فعالیتی توخته‌لیشی بیلن، اوشبو ولایت یشاوچیلریدن بیرقطاری گه کوره، کسل‌لرینی دوالش اوچون غزنی شهری مرکزی ده‌گی ساغلیق مرکزلر گه آلیب باریش گه مجبور و بو مسئله اولرنی قیینچلیک بیلن روپه‌ره قیلگن.
غزنی ولایتی قره‌باغ تومنی یشاوچیسی احمدعلی و مذکور ولایت نینگ جغتوی تومنی یشاوچیسی شکریه سلام‌وطندار بیلن اۉتکزگن صحبت‌لریده، بو تومنده ساغلیق مرکزلر نینگ فعالیتی توخته‌لیشی اولرنی اېریم قیینچیلیک بیلن دوچ قیلگنیدن شکایت قیله‌دیلر.
احمدعلی نینگ ایتیشیچه: «کلینیکلر بارلیگی اهالی اوچون یخشی اېدی؛ بو کلینیکلر نینگ فعالیتی ایکّی آی دن بیری توخته‌گن؛ یشاوچیلر تورلی خیل قیینچیلیک بیلن دوچ بولگن. بیر عایله ده بیران کیشی کسل بولگن حالده، موتر گه ۵۰۰ افغانی اجاره پول تولب کسلینی شهر گه آلیب باریش گه مجبور دیر.»
بیزلرنینگ فیسبوک صحیفه‌میزگه باش اورینگ!
شکریه گه کوره: «سابق قیشلاغی‌میز یقینیده بیر کلینیک بار اېدی؛ کلینیک یاپیلگنیدن ایکّی آی اوتماقده و کسل‌لریمیزنی شهر گه آلیب باریش گه مجبور میز. بو ییرده‌گی کلینیکلر نینگ فعالیتی توخته‌گن.»
غزنی ولایتی یشاوچیلریدن چنارگل و محمدیوسف، غزنی ولایتی مرکزی ده حوزه‌وی کسلخانه گه کسل‌لرینی دوالش اوچون آلیب کېلگنلر، سرپرست حکومت تامانیدن اوشبو ساغلیق مرکزلر قیته آچیلیشینی اېسته‌یدیلر.
چنارگل گه کوره: «کلینیکلر یاپیلگن؛ اهالی کوپ قیینیچلیک بیلن دوچ دیر؛ بایسکل بیلن سکیز کیلومتر یول نی کېزیب کسلی‌میزنی کسلخانه گه آلیب باریش گه مجبور میز. یقینده ساغلیق مرکز یوق؛ اهالی کوپ قیینچیلیک بیلن دوچ دیر؛ اهالی گه قولی‌لیک یره‌تیلیشی اوچون بو کلینیکلر قیته فعال بولیشینی اېسته‌یمیز.»
بیزلرنینگ «ایکس» ترماغی ده هم تعقیب قیلینگ!
محمدیوسف نینگ ایتیشیچه: «کلینیک بو ییرده‌لیگی پیتیده موسسه‌لر فعالیت قیلر اېدی و کسل‌لریمیزنی شهر گه آلیب بارمسدیک. حاضر کوپ قیینچیلیک بیلن دوچ میز؛ دولت دن بو کلینیکلر قیته فعال بولیشی اوچون دقت قیلیشینی اېسته‌یمیز.»
عین‌حالده، غزنی ساغلیق‌نی سقلش باشلیغی رسول‌خان نظری، مذکور ولایت نینگ تومن‌لریده ۲۶ ساغلیق مرکز یاپیلگنینی تصدیقلب، اقتصادی قیینچیلیک‌لر حل اېتیلیشی بیلن بو مرکزلر قیته آچیلیشیدن ایشانچ بیره‌دی.
ایتیش کېره‌ک، میلادی اوشبو ییل نینگ سۉنگی آی‌لریده غزنی ولایتی تومن‌لری نینگ بیر قطاری ده ۱۳ ساغلیق مرکز «هدف» آتیده موسسه تامانیدن بودجه‌سی تولنمسلیگی باعث یاپیلدی و شونینگدیک، خلق‌ارا ساغلیق‌نی سقلش تشکیلاتی تامانیدن قۉللب-قوتلنه‌دیگن ۱۳ ساغلیق مرکز هم یاپیلگن، بو ساغلیق مرکزلر یاپیلیشی اهالینی تورلی خیل قیینچیلیک بیلن روپه‌ره قیلگن.
