اسلام امیرلیگی احصائیه و معلومات ادارهسی رسمی‌لری، مملکت بویلب حاضرگه قدر یشاوچیلر گه قریب ۱۴ میلیون الکترونیکی کیم‌لیک توزیع بولگنینی معلوم قیله‌دیلر.
بیزلرنینگ فیسبوک صحیفه‌میزگه باش اورینگ!
احصائیه و معلومات ادارهسی رسمی‌لری، بوگون (۱۷-اسد، چهارشنبه) امارت اداره‌لری نینگ بیر ییل‌لیک یوتوق‌لرینی پایله‌شیش برنامه ده، سۉنگی بیر ییلده اوچ میلیون ۲۶۸ مینگ ۶۰۰ الکترونیکی کیم‌لیک توزیع قیلگنلرینی اېتگنلر.
اولر گه کوره، الکترونیکی کیم‌لیک توزیع قیلیش جریانی اۉتگن ییل گه نسبتن ۲۳ فایز آشگن.
مذکور اداره رسمی‌لری، الکترونیکی کیم‌لیک توزیع قیلیش جریانی باشلنگنیدن حاضرگه قدر مملکت بویلب ۱۳ میلیون ۸۶۸ مینگ کیشی گه الکترونیکی کیم‌لیک توزیع بولگنینی معلوم قیله‌دیلر.
بیزلرنینگ «ایکس» ترماغی ده هم تعقیب قیلینگ!
احصائیه و معلومات اداره رسمی‌لری نینگ کوپه‌یتیریشیچه، یشاوچیلر گه قولی‌لیک یره‌تیش اوچون مرکز و ولایت‌لرده بیش «آسان خذمت» نماینده‌لیک آچیلگن و آسان خذمت آرقه‌لی ۲۰۰ مینگ دن آرتیق کیشی گه الکترونیکی کیم‌لیک و توغیلیش کارت توزیع بولیب و باشقه خذمت‌لر کورسه‌تیلگن.
