عیاللر تعلیمی و افغانستان ده ایچکی و خارجی نادولتی مؤسسهلرده عیاللر ایشی خصوصیده اسلام امیرلیگی نینگ سونگی ایکی قراری، کوپینچه عکس‌العمل‌لر بیلن روپه‌ره بولگن.
افغانستان اوچون آمریکا ایلچی‌خانه کارداری کرن دیکر نینگ ایتیشیچه، اسلام امیرلیگی عیاللر نی ایش‌دن منع قیلیش بیلن آچلیک خصوصیده‌گی قیین‌چیلیک نی قنده‌ی حل قیله آله‌دی؟
بیزلرنینگ توییترده هم تعقیب قیلینگ!
اسلام امیرلیگی سوزلاوچیسی ذبیح‌الله مجاهد، بانو دیکر نینگ حاضرگی حکومت‌‌دن قیلگن تنقیدی گه قرشی عکس‌العمل کورستیب و ایتیشیچه، بشری یاردم‌لر نامی آستیده نادرست گپ‌لر نی ایتیلیشی گه رخصت بیرمه‌یدی و اسلام امیرلیگی برابریده بو کبی فکرلر بیان بولیشی نی ایچکی ایشلر گه اره‌لشماق دیگن.
او تویتر صحیفه‌سیده یازیشیچه: «آمریکالیک مسئوللر مملکت ایچکی ایشلری گه اره‌لشمه‌سین. افغانستان ده فعالیت قیله‌دیگن مؤسسه‌لر، مملکت قاعده_قانونی نی رعایت قیلیش‌لری کیره‌ک. بشری یاردم‌لر عنوانی آستیده قرارلر یا_ده افغانستان اسلام امیرلیگی مسئول‌لری خصوصیدع نادرست سوزلر نی ایتیب و یا تهدید قیلسه‌لر.»
شونده‌ی بیرحالده، سیاسی مسئله‌لر بیلرمانی عزیز معارج نینگ ایتیشیچه: «قیزلر و عیاللر ایش و تحصیل‌دت قاله‌دیلر، خلق‌ارا قاعده اساسیده دنیا نینگ فیصله قیلیشی یا_ده بو توغریده سیسی نی چیقریشی کیره‌ک. حاضرگی حکومت بو نی ایچکی ایشلر گه اره‌لش بیلسه بو دنیا جماعه‌دن اوزاق‌لشماق معناسی گه بوله‌دی.»
شونینگدیک سیاسی مسئله‌لر بیلرمان‌لری، حاضرگی شرایط‌ده دنیا بیلن اسلام امیرلیگی نینگ عکس‌العملی نی، مملکت و اهالی فایده‌سی بیلمه‌یدیلر و اسلام امیرلیگی‌دن خلق‌ارا قاعده_قانون اساسیده حاضرگی قیین‌چیلیک‌لر نینگ حل قیلینیشی اوچون آدیم کوتاریش‌لری نی ایسته‌یدیلر.
سیاسی مسئله‌لر بیلرمانی اجمل زرمتی نینگ ایتیشیچه: «مملکت ۴۰ ییل اوروش‌دن کیین، حاضر اقتصادی، قوروق‌چیلیک و کرونا قیین‌چیلیگی بیلن روپه‌ره دیر. بو رقم شرایط‌ده بعضی مورد‌لرده گذشت قیلیب و دنیا بیلن تعامل یولی نی دوام بیریشی‌میز کیره‌ک.»
شونینگدیک بیلرمان‌لردن بیر قطاری نینگ ایتیش‌لریچه، اسلام امیرلیگی دنیا گه قرشی توریش اورنیده عیاللر تحصیلی و ایشی خصوصیده، اهالی ایسته‌گی گه توجه قیلیشی کیره‌ک.
بیزلرنینگ فیسبوک صحیفه‌میزگه باش اورینگ!
سیاسی مسئله‌لر بیلرمانی طارق فرهادی نینگ ایتیشیچه: «اسلام امیرلیگی اعضاسی بو قرارلر گه مخالف دیر، بیللی قیلیب و ینگی حرکت نی بالشه‌یشلری کیره‌ک. او پیتده اهالی حمایتی نی قول گه کیلتیریش‌لری ممکن، عکسینچه‌سی اهالی اولر بیلن مخالف دیر.»
ایتیش کیره‌ک که، اسلام امیرلیگی‌دن عیاللر حقلری قبول قیلینیشی خصوصیده دنیا جماعه نینگ کوپینچه ایسته‌کلری بیلن، حاضرگچه اوشبو ایسته‌کلر نینگ قبول قیلینیشی خصوصیده هیچ بیر انعطاف کورستمه‌گن.
