بیرلشگن ملتلر تشکیلاتینینگ انسانسیورلیک یاردملرنی هماهنگ قیلووچی ادارهسی (اوچا)، اسلام امیرلیگینینگ یاردم بیریلیش جریانیده ارهلشیشیدن خواطر بیلدیرگنی بیلن بیرگه، سرپرست حکومت اقتصاد وزیرلیگی سوزلاوچیسی عبدالرحمان حبیبنینگ ایتیشیچه، حکومتی نهادلر بشری یاردملر ترقهتیلیش جریانیگه هیچ قندهی ارهلشمهیدی.
جناب حبیبنینگ کوپهیتیریشیچه: «خلقارا همجمعیتنینگ یاردم بیریش نهادلری و بیر قطار مملکتلر یاردملری باشدن بیری، اوزلریگه تیگیشلی ادارهلری آرقهلی توغری و امارتی ادارهلرنینگ ارهلشمسلیگی بیلن عملگه آشیریلهدی.»
بیزلرنینگ فیسبوک صحیفهمیزگه باش اورینگ!
اوچا، یقینده ۲۰۲۵-ییلنینگ باش آلتی آییده افغانستان دهگی بشری وضعیت بوییچه اوز تیکشیرووچینی ترقهتگن.
اوچانینگ تیکشیروویده کیلیشیچه، اداری چیکلاولر، محیطی قیینچیلیکلر و بیر قطار موردلرده سرپرست حکومتنینگ انسانسیورلیک برنامهلریگه ارهشووی، افغانستان گه بشری یاردملر کورسهتیلیشینی ضعیفلشتیرگن.
بیزلرنینگ «ایکس» ترماغی ده هم تعقیب قیلینگ!
لیکن اقتصاد وزیرلیگی سوزلاوچیسینینگ ایتیشیچه: «اقتصادی وضعیتگه توجه قیلیش بیلن اهالینینگ قیینچیلیگی حلی اوچون برچه یاردم بیرووچی نهادلر بیلن کیرهکلی همکارلیکلرنی تامینلب و اولرنینگ انیق فعالیتلریدن حمایت قیلهمیز.»
بیرلشگن ملتلر تشکیلاتینینگ آگاهلنتیریشی اساسیده، افغانستان منطقه بویلب اینگ مرکب انسانی وضعیتلریدن بیری بیلن روپهره دیر.
