قندهار محلی مسئوللری نینگ ایتیشلریچه، اوتگن کونی سپین‌بولدک_چمن ده یوز بیرگن توقنشوونی باش اولب پاکستان چیگره‌چیلری باشله‌گنلر.
چهارشنبه کونی، ۱۲ میزان، توش دن کیین، پاکستان و اسلام امیرلیگی چیگره‌چیلری، سپین‌بولدک_چمن ده توقنشگن و اوشبو توقنشوو باعث چیگره ایکی تامانیده‌گی تینچ اهالی اولیب و یره‌لنگن.
بیزلرنینگ فیسبوک صحیفه‌میزگه باش اورینگ!
قندهار حاکمی سوزلاوچیسی محمود اعزام نینگ سلام‌وطندار گه ایتیشیچه، اوشبو توقنشوولر سببی بیللی بولگن و بوکبی واقعه‌لر یوز بیرمسلیگی اوچون تلاش قیلماقده‌لر. او نینگ کوپه‌یتیریشیچه: «کیچیک حادثه ایدی، ایکی یا که اوچ تینچ اهالی یره‌لنگن و چیگره او تامانیدن تلفات هم بار؛ حاضر وضعیت عادی حالتی گه قیتگن.»
اوتگن کونی پاکستان حربی‌لری بیر بیانیه ترقه‌تیب، سپین‌بولدک_چمن چیگره‌سیده ۱۲ یاشر بیر باله شامل اسلام امیرلیگی نینگ بیر چیگره‌چیسینی آتیب اولدیرگنینی معلوم قیلگن. مذکور بیانیه ده کیلیشیچه، پاکستان چیگره‌چیلری توقنشوو جریانیده کوپ تلفات بولمسلیگی اوچون شفقت دن ایش آلگن.
پاکستان حربی‌لری، اوشبو توقنشوونی مسئول‌سیزلیک دیب و اسلام امیرلیگی رسمی‌لریدن، واقعه عامللرینی پاکستان گه تاپشیریشینی سوره‌گن.
بیزلرنینگ «ایکس» ترماغی ده هم تعقیب قیلینگ!
سیاسی ایش بیلرمان‌لردن بیرقطاری نینگ ایتیشلریچه، بو کبی توقنشوولر افغانستان و پاکستان آره‌سیده‌گی کیسکین‌لرنی کوچه‌یتیره‌دی.
سیاسی ایش بیلرمان سیدشفیق‌الله سادات گه کوره، افغانستان و پاکستان آره‌سیده ایکی تامانلمه قیینچیلیک‌لر، دیپلوماتیک مذاکره‌لر بیلن حل بولیشی کیره‌ک. او نینگ کوپه‌یتیریشیچه: «نیچه دلیل بار؛ پاکستان چیگره‌چیلری نینگ افغان‌لر گه ناتوغری اوق آتیشی، توقنشوو گه سبب بولیب و انده_سنده چیگره‌لر تن آلینمسلیگی ایریم قیینچیلیک‌لر گه سبب بوله‌دی، بو مسئله دیپلوماتیک مذاکره‌لر بیلن حل بولیشی کیره‌ک.»
ایتیش کیره‌ک که، ۲۰ کون آلدین پاکستان و اسلام امیرلیگی چیگره‌چیلری نینگ تورخم بندری ده توقنشووی باعث، اوشبو بندر پاکستان تامانیدن توقیز کونگچه یولاوچیلر و سوداگرلیک توارلر یوزی گه یاپیلگن ایدی.
