کارته آریانا یشاوچیسی نادر گه کوره، یشش اویی کارته آریانا تاغ تیپه‌سیده دیر، سوو کیلتیریش اوچون تاغ تیپه‌سیدن بیر کیلومتر یول‌نی کیزیب و تاغ قویی ده‌گی مسجد دن سوو کیلتیریش گه مجبور.
اونگه کوره: »اویی‌میز کارته آریانا تاغ تیپه‌سیده دیر و هر کونی بیر کیلومتر یول‌نی کیزیب و کوپ قیینچیلیک بیلن سوو کیلتیره‌من.»
کارته آریانا یشاوچیلریدن باشقه بیری شیرین‌دل، مذکور منطقه ده سوو تنقیص‌لیگیدن شکایت قیلیب ایتیشیچه: «اهالی کمبغل‌لیک و ایش‌سیزلیک دن اذیت چیکماقده و حاضر ایچیملیک سوو هم یوق، یشاوچیلر نینگ سوو ساتیب آلیش توان‌لری یوق دیر.
بیزلرنینگ فیسبوک صحیفه‌میزگه باش اورینگ!
شونینگدیک کارته آریانا گذر وکیلی گل‌خان گه کوره، سکیز آی دن بویان بو منطقه ده حکومت تامانیدن سوو ییتکیزیش جریانی توخته‌تیلگن.
گل‌خان نینگ کوپه‌یتیریشیچه: «۸ آی دن بویان ۲۵۰۰ دن آرتیق عایله سوو تنقیص‌لیگی بیلن روپه‌ره دیر و نیچه مراتبه حکومت اداره‌لری گه مراجعت قیلدیک؛ لیکن حاضرگچه کارته آریانا ده سوو قیینچیلیگی حلی اوچون اقدام بولمه‌گن.»
سوو ییتکیزیش دولتی شرکت نینگ ایتیشیچه، اوتگن ییلی کارته آریانا منطقه‌سیده بیر کیچه_کوندوزده ۷۲ مینگ متر مکعب سوو چیقری‌لر ایدی، حاضر ۲۲ مینگ متر مکعب گه کمه‌یگن، شونی اوچون کارته آریانا یشاوچلیری سوو تنقیص‌لیگی بیلن دوچ بولگنلر.
مذکور شرکت باشلیغی محمدنسیم صمیم گه کوره: «بوندن آلدین کارته آریانا یشاوچیلری اوچون ایکی سوو ییتکیزیش قودوق قازیلگن ایدی حاضر قوریگن، کارته آریانا یشاوچیلری نینگ ایچیملیک سوو قیینچیلیگی حلی اوچون باشقه ایکی چقور قودوق قازیلیشی ممکن.»
بیزلرنینگ توییترده هم تعقیب قیلینگ!
سوو ییتکیزیش دولتی شرکت اولکه یشاوچیلریدن، ییر آستی سوولرینی تغذیه قیلیش اوچون، توپراقلی ییرلرده یامغیر و قار سوولرینی ذخیره قیلیش‌لرینی طلب قیله‌دی.
ایتیش کیره‌ک که، کابل یشاوچیلری نیچه ییل دن بویان سوو تنقیص‌لیگی بیلن روپه‌ره دیر، اوشبو شهر یشاوچیلری اوز سوولرینی پمپ‌لر آلدیگه ساعت‌لرچه کوتیب تأمینله‌یدیلر یا ده تانکرلردن سوو ساتیب آله‌دیلر.