قطر پایتختی دوحه شهریده، افغانستان حکومتی و طالبان گروهی نینگ مذاکره قیلووچی هیأت‌لری «طرزالعمل مقدمه‌سی» خصوصیده کیلیشگنلر.
افغانستان حکومت هیأتی نینگ بیر اعضاسی کیم‌لیگی سیر قالیش نی ایسته‌ب سلام‌وطندارگه ایتیشیچه، ایکی تامان هیأت‌لری طرزالعمل نینگ مقدمه‌سی اوستیگه کیلیشگن.
افغانستان حکومتی بوندن آلدین طرزالعمل مقدمه‌سی نینگ متنی کوپینچه تارتیشووگه احتیاجی بارلیگی نی ایتگن ایدی.
طالبان گروهی نینگ ایتیشیچه، طرزالعمل مقدمه‌سیده آمریکا بیلن طالبان نینگ کیلیشووی، بیرلشگن ملتلر تشکیلاتی نینگ افغانستان خصوصیده‌گی تینچ‌لیک قراری و تینچ‌لیک مذاکره‌سی هیأت‌لری نینگ ایستک‌لری قبول قیلینگن، لیکن افغانستان حکومتی طرزالعمل مقدمه‌سی کوپینچه وضاحت گه احتیاجی بارلیگی نی بیلدیرگن ایدی.
بیراق دولت نینگ هیأتی گه کوره، بوندن ایکی کون آلدین آمریکا، بیرلشگن ملتلر تشکیلاتی و اروپابیرلیگی (آلمان، ناروی و بریتانیا مملکت‌لری) گه افغانستانلیک‌لرارا هیأت‌لرگه طرزالعمل مقدمه‌سی حقیده معلومات بیرگنلر. اوشبو منبع گه کوره، دولت مذکور اولکه‌لرنینگ سوزیگه قناعت قیلگن و دولت و طالبان گروهی نینگ هیأت‌لری هم بو حقده کیلیشگن.
دولت هیأتی نینگ مذکور اعضاسی گه کوره، حاضر ایسه ایکی تامان آره‌سیده سوزلشوولر دوام ایتماقده. طالبان گروهی گه یقیین کیشی‌لردن سید اکبر آغا، مذاکره قیلووچی هیأت‌لر طرزالعمل مقدمه‌سی خصوصده کیلیشگن‌لرینی تأیید قیلگن، بیراق افغانستان حکومتی کیلیشمهگنی باعث نشر ایتیلمه‌گن.
طرزالعمل مقدمه‌سی ۲۱ ماده‌دن عبارت دیر، ماده‌لر آره‌سیده ییغینلر قرآنکریم آیه‌سی بیلن باشله‌نیشی، نماز وقت‌لریده ییغینلر توخته‌تیلیشی، جنجللی موضوع‌لر حل ایتیلیشی اوچون سنت و قرآنکریم گه مراجعت قیلیش و ییغین اداغیده دعا اوقیلیش شامل دیر.
گرچند ایکی تامان ۲۱ ماده اوستیگه کیلیشگن، بیراق اصلی جنجل طرزالعمل مقدمه‌سی خصوصیده بولگن ایدی.