دنیا بانکی نینگ معلوماتی اساسیده، اوتگن آلتی آی ده، افغانستان نینگ ایچکی ناخالص تولیدی آلتی میلیارد دالردن آرتیق کمهیگن؛ ۱۴۰۱_ییل ۲۴ اسد ده جمهوریت توزومی قوله‌شیدن کیین، افغانستان نینگ اقتصادی تنزل گه یوز توتیب و مملکت بویلب قشاق و کمبغل‌لر سانی آشگن.
دنیا بانکی نینگ معلوماتی اساسیده، افغانستان اقتصادی اوتگن بیر دهه ده ییترلیچه رشد قیلگن ایدی، ۱۳۸۲_ییل ده اوشبو مملکت نینگ ایچکی ناخالص تولیدی تورت میلیارد دالردن باشله‌نیب و ۲۰۱۴_ییل ده ۲۰ میلیارد دالر گه ییتگندی، بیراق ۲۰۲۱_ییل ده بو رقم ۱۵ میلیارد دالر گه کمهیگن.
بیزلرنینگ فیسبوک صحیفه‌میزگه باش اورینگ!
اقتصاد وزیرلیگی سوزلاوچیسی عبدالرحمان حبیب نینگ سلام‌وطندار گه ایتیشیچه، سونگی ایکی سنه ده افغانستان نینگ اقتصادی دنیا هجمعیت تامانیدن قوللب_قوتلنر ایدی، بیراق اسلام امیرلیگی حاکمیتی و اوشبو یاردم‌لر کیسیلیشی دن کیین، افغانستان اقتصادی تنزل گه یوز توتگن.
اونگه کوره: «اوتگن ایکی سنه ده مملکت نینگ ناخالص تولیدی ییترلیچه یخشی ایدی. افغانستان نینگ تولیدی اوتگن ایکی سنه ده ۵ فایز رشد قیلگندی. ایچکی ناخالص تولید رشدی خصوصیده حاضرگچه رسمی معلومات بیریلمه‌گن بیراق حاضرگی وضعیت گه بناً، اقتصاد تنزل گه یوز توتگن. دنیا بانکی نینگ معلوماتی اساسیده، افغانستان گه حاضرگچه بیرمیلیارد ۶۰۰ میلیون دالر انسان پرورلیک یاردم کورسه‌تیلگن.»
باشقه تاماندن، خلق‌ارا اقتصاد تدقیقاتچیسی بهمن یوسفی و اقتصادی ایش بیلرمان بهیر زلاند ایتیشلریچه، افغانستان نینگ اقتصادی دنیا همجمعیت یاردم‌لری گه باغلیق‌لیگی باعث تنزل گه یوز توتگن.
بیزلرنینگ توییترده هم تعقیب قیلینگ!
خلق‌ارا اقتصاد تدقیقاتچیسی بهمن یوسفی نینگ کوپه‌یتیریشیچه: «اوتگن ۲۰ ییل ده افغانستان اقتصادی یاردم‌لر گه تیه‌نیب کیلگن، بو یاردم‌لر کیسیلیشی اقتصاد اوستیگه سلبی تأثیر قیلگن.»
اقتصادی ایش بیلرمان بهیر زلاند گه کوره: «غربی اولکه‌لر نینگ یاردمی بیلن استه_سیکین اقتصاد یخشی لنگن ایدی. ۲۰۲۰_ییل گه قدر GDP میز ۲۰ بیلیون دالر گه ییتدی. یاردم‌لر کیسیلیشی طبیعی که اقتصاد اوستیگه تأثیر قیله‌دی.»
جمهوریت توزومی قوله‌شی و دنیا همجمعیت نینگ انسان پرورلیک یاردم‌لری کیسیلیشی بیلن، اولکه اقتصادی ضعیف بولیشیگه سبب بولگن.