کابل صحت روانی کسل‌خانه مسئوللری نینگ ایتیش‌لریچه، اوتگن آلتی آیده اوشبو کسل‌خانه گه عیال کسل‌لر مراجعتی کوپه‌یگن دیر.
کابل صحت روانی کسل‌خانه باش‌داکتری قدرت‌الله صدیقی نینگ سلام‌وطندار گه ایتیشیچه، اوتگن آلتی آیده روحی کسل‌لیککه چلینگن ۷ مینگ ۷۲ عیال درمان اوچون اوشبو کسل‌خانه گه مراجعت قیلگن.
جناب صدیقی نینگ ایتیشیچه: «آلتی آی جریانیده اوپیدی/OPD گه ۷ مینگ و ۷۲ عیال مراجعت قیلگن که، اولر استیپ‌لری اساسیده بستر بولگنلر. وضعیتی درست بولمه‌گن کسل‌لر بیراز کوپ بو ییرده قاله‌دی، لیکن بو ییرده کسل‌لر نی ۱۰ کون بستر قیله‌میز و کیین ایسه ریچارچ بولیب و کیته‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، متخصص و کابل صحت روانی کسل‌خانه نینگ تخصص نی بییتیریش برنامه‌لر مسئولی نجیب‌الله جاوید نینگ ایتیشیچه، اوشبو کسل‌خانه نینگ عیاللر بولیمی‌ده کوپینچه پیت هیچ بیر بستر خالی بولمه‌یدی.
جناب جاوید نینگ کوپه‌یتیریشیچه: «عیاللر اوچون ۳۰ بستر بار که کوپینچه پیتده خالی بولمه‌یدی و خذمت‌لر عرضه‌سی و بستر‌لریمیز هر کون فرقلی دیر، بیراق کوپینچه پیتده کونده ۵۰ الی ۱۰۰ کسل مراجعت قیلیب و خذمت‌لردن فایده‌لنه‌دی. بو ییرده ۳۰ بستر بارلیگی اوچون بعضا کسل‌لر نی بستر قیله آلمه‌یمیز.»
شونده‌ی بیرحالده، متخصص و کابل صحت روانی کسل‌خانه نینگ تخصص نی بییتیریش برنامه‌لر مسئولی، اوشبو کسل‌خانه‌ده درمانی امکانیت‌لر نینگ یخشی بولگنی کسل‌لر نینگ مراجعتی کوپه‌یگنی گه سبب بولگن دیب بیراق ایتیشیچه، صحت روانی کسل‌خانه‌سی عیال متخصص‌لر کم‌لیگی بیلن روپه‌ره دیر.
عین حالده، عیال‌لردن کوپ قطاری نینگ ایتیش‌لریچه، عیاللر گه وضع بولگن سونگی چیکلاو‌لر، اولر نینگ روحی کسل‌لیککه چلینیش‌لری گه سبب بولگن.
کابل یشاوچیسی پرستو نینگ ایتیشیچه، تعلیم‌دن محروم قالگنی‌دن کیین، روانی کسل‌لیککه چلینگن.
پرستو نینگ کوپه‌یتیریشیچه: «مکتب‌لر نینگ یاپیلگنیدن کیین، اوزیم نی یخشی حس قیلمه‌س ایدیم، بیراق کیین کورس گه باردیم که کورس‌لر هم یاپیلدی. یامان شکلده مینی رنج بیردی. کیچه‌لر یاته آلمه‌یدیم. یاتگنیم پیتده هم قورقیب کابوس کوره‌ر ایدیم. تیرناق‌لریم نی چینه‌ر ایدیم، ساچ‌لریم نی اوزه‌ر ایدیم و هیچ کیم بیلن گپله‌شمه‌س ایدیم. روان‌شناس داکتری گه نیچه مرته کیلدیم، حاضر ایسه یخشی بیراز یخشی بوگنمن، لیکن ینه هم کیله‌جک اوچون ناامید‌مین.»
بیزلرنینگ توییترده هم تعقیب قیلینگ!
باشقه بیر تامان‌دن، کابل ده روان‌شناس‌لردن شرف‌الدین عظیمی نینگ ایتیشیچه، بیر هفته‌ده ۴۵ کیشی‌گچه عیاللر درمان و مشاوره آلیش اوچون مراجعت قیله‌دیلر.
جناب عظیمی نینگ کوپه‌یتیریشیچه: «بیر هفته‌ده ایکی یا-ده اوچ کون معاینه‌خانه‌ده بوله‌من. بو جریانده ۴۰ الی ۴۵ کیشی قیین‌چیلیک‌لری نینگ حلی اوچون کیله‌دیلر. تجربه‌لریمیز گه قره‌گنده قیغو بیلن اوشبو قیین‌چیلیک کوپه‌یگن و روانی کسل‌لیک اوچون بیر علت بوله‌دی که افغانستان ده قشاق‌لیک، ایش‌سیزلیک یا-ده تحصیل قیین‌چیلیک‌لری، عایله‌وی قیین‌چیلیک‌لر و عاطفی مسئله‌لردن برچه‌سی روانی کسل‌لیک‌لر گه سبب بوله‌دی.»
اوتگن بیر یریم ییل‌ده کابل ده مکتب، بیلیم یورت، تعلیمی مرکزلر و نادولتی تشکیلات‌لرده عیاللر ایشی توخته‌تیلیشی و شونینگدیک بیر قطار عایله‌لرده عایله‌وی جنجل‌لر و زوره‌وانلیک‌لر، عیاللر آره‌سیده روانی قیین‌چیلیک‌لر کوپه‌یشی گه سبب بولگن.