کابل شهری ده اندرا گاندی کسلخانه مسئوللری، باله‌لر آره‌سیده نفس آلیش و سنچیق کسل‌لیکلری کوپه‌یشیدن خبر بیره‌دی.
اندراگاندی کسلخانه‌سیده باله‌لر ایچکی بیمارلر بولیم باشلیغی محمدعارف حسن‌زی نینگ ایتیشیچه، اورته شکلده هر کونی نفس آلیش و سنچیق کسل‌لیکلری گه چلینگن ۲۵۰ باله، درمان اوچون مذکور کسلخانه گه مراجعت قیله‌دیلر.
اونینگ سلام‌وطندار گه ایتیشیچه، «هر کونی نفس آلیش و سنچیق کسل‌لیگیگه چلینگن ۲۰۰ دن آلیب ۳۰۰ باله اوشبو کسلخانه گه مراجعت قیله‌دیلر، لیکن برچه‌سینی بستر قیلیش لازم ایمس. بیز هر کونی ۲۰ دن ۳۰ کسل‌نی بستر قیله‌میز.»
بیزلرنینگ فیسبوک صحیفه‌میزگه باش اورینگ!
ایکی هفته دن بویان ۸ آی‌لیک چقه‌لاغی سنچیق بولگن زهره بیات اسملی آنه گه کوره: «مین ۸ آی‌لیک چقه‌لاق آنه‌سی من، ایکی هفته دن بویان قتیق کسل. اَوللری آزگینه زکام ایدی و تاماق آغریق ایدی؛ بیراق استه_سیکین اشتهادن قالدی و یوتل تاپیلدی، شفاکار گه مراجعت قیلدیک، اولر دارو بیریب و سنچق بولگنینی ایتدی.»
۲۰ کوندن بویان ایکی باله‌سی سنچیق بولگن زهرا امیری اسملی باشقه بیر آنه نینگ ایتیشیچه: «ایگیزگیم بار، تخمیناً ایکی هفته دن بویان ایکیله‌سی قتیق زکام بولدیلر. اول قیزیم زکام ایدی اونچه‌لیک قتیق ایمس ایدی و کمراق یوته‌لر ایدی؛ بیراق کیین اوغلیم هم بو کسل‌لیککه چلیندی، ایکیله‌سی نینگ احوالی آغیرلشدی شفاکار گه مراجعت قیلدیک شربت بیردی، لیکن هیچ فایده قیلمه‌دی، کوپ یوته‌لیشه دی و بلغم‌لری بار.»
باله‌لر بولیمی شفاکاری کاظم اسدی گه کوره، ۵ یاشنی تولدیرمه‌گن باله‌لر کوپراق سنچیق بوله‌دی، ایسیتمه، یوتل، نفس آلیش یا ده تیز_تیز نفس آلیش اوشبو کسل‌لیک نینگ ییریک موردلریدن دیر.
بیزلرنینگ توییترده هم تعقیب قیلینگ!
جناب اسدی، باله‌لر سنچیققه چلینمسلیک باره‌سیده ایتیشیچه: «ساغلام چقه‌لاق، سنچیق بولگن چقه‌لاق‌لردن اوزاق اسره‌لیشی کیره‌ک، ایکینچی یولی واکسین بولیش‌لری ضرور دیر، چقه‌لاق‌لر ایسیق اسره‌لیشی لازم، اوشبو کسل‌لیککه چلینگن باله‌لر اساسی شکلده آوقات له‌نیب و امکان قدر شفاکارگه مراجعت قیلیش لازم دیر.»
اندراگاندی کسلخانهسی نینگ معلوماتی اساسیده، اوشبو ییل ده باله‌لر آره‌سیده سنچیق و نفس آلیش کسل‌لیکللری کوپه‌یگن؛ ۲۰۲۲_ییلی نومبر آیی ده نفس آلیش و سنچیققه چلینگن ۶ مینگ ۷۰۰ چقه‌لاق مذکور کسلخانه گه مراجعت قیلگن؛ عین‌حالده، ۲۰۲۱_ییل نومبر آیی ده نفس آلیش و سنچیققه چلینگن ۳ مینگ ۷۰۰ چقه‌لاق بو کسلخانه گه مراجعت قیلگن.
