پاکستان میدیالری نینگ معلوماتی اساسیده، افغانستان بویلب اسلام امیرلیگی حاکمیتیدن کیین، افغانستان‌لیک ۶۰۰ مینگ مهاجر اوشبو مملکت گه باش پنه ایزلب بارگن.
بیرلشگن ملت‌لر تشکیلاتی نینگ مهاجرلر ایشلری بوییچه عالی کمیساری نینگ معلوماتی اساسیده، ۲۰۲۳-ییل نینگ جون آیی ده پاکستان ده افغانستان‌لیک مهاجرلر سانی ۳.۵ میلیون کیشی گه ییتگن.
بیزلرنینگ فیسبوک صحیفه‌میزگه باش اورینگ!
بیرلشگن ملت‌لر تشکیلاتی نینگ مهاجرلر ایشلری بوییچه عالی کمیساری سوزلاوچیسی قیصرخان افریدی نینگ ایتیشیچه، پاکستان ینگی مهاجرلر گه علاوه اوشبو مملکت تامانیدن کیم‌لیک بیریلگن باشقه ۱.۳ میلیون مهاجر میزبانی دیر.
او نینگ کوپه‌یتیریشیچه، سونگی ایکی ییل ده افغانستان‌لیک ۱۶ مینگ دن آرتیق مهاجر، بیرلشگن ملت‌لر تشکیلاتی نینگ مهاجرلر ایشلری بوییچه عالی کمیساری نینگ داوطلب‌لیک برنامه‌سی آرقه‌لی افغانستان گه قیتگنلر.
پاکستان دولتی، ۲۰۱۷-ییل ده افغانستان‌لیک قریب ۸۰۰ مینگ مهاجر گه کیم‌لیک کارت بیرگن و اوشبو ییل اولر نینگ مدتی توگه‌گن.
بیزلرنینگ «ایکس» ترماغی ده هم تعقیب قیلینگ!
افریدی جنابلری نینگ کوپه‌یتیریشیچه: «بیرلشگن ملت‌لر تشکیلاتی نینگ مهاجرلر ایشلری بوییچه عالی کمیساری، افغانستان مهاجرلر نینگ ثبت نام قیلیش کارتی اوزه‌یتیریلیشی مقصدیده پاکستان رسمی‌لری بیلن مذاکره قیلماقده‌لر و مذاکره‌لری مثبت نتیجه بیریش گه امیدوارلر.»
معلومات‌لر گه بناً، افغانستان‌لیک ۷۷۵ مینگ مهاجر پاکستان ده ناقانونی شکلده تیریکچیلیک قیلیب کیلماقده.
عین‌حالده، سونگی کون‌لرده پاکستان دولتی افغانستان‌لیک مهاجرلر نینگ اوشبو مملکت دن چیقریشی جریانینی قیته دن باشله‌گن.
