قاچقینلر وزیرلیگی بوگون (یکشنبه، ۲۰-جوزا)، بیر بیانیه آرقه‌لی ایتیشیچه، اوتگن بیر کونده ۱۷۷۳ افغانستان‌لیک قاچقین هرات نینگ اسلام‌قلعه چیگره قتناو یولی‌دن داوطلب‌لیک و جبری شکلده مملکت گه قیتگن.
قاچقینلر وزیرلیگی نینگ بیانیه‌سی اساسیده، قندهار ده سپینبولدک چیگره قتناو یولی‌دن باشقه ۳۲۴ افغانستان‌لیک قاچقین جبری شکلده مملکت گه قیتگن.
بیزلرنینگ «ایکس» ترماغی ده هم تعقیب قیلینگ!
بیانیه‌ده کیلیشیچه: «۱مینگ ۷۷۳ ایران ده‌گی قاچقین ۱۹-جوزا هرات نینگ اسلام‌قلعه چیگره‌سی آرقه‌لی داوطلب و جبری شکلده مملکت گه قیتگنلر که ۲۴۰ ته‌سی گه یاردم بیریلگن و شونینگدیک ۱۹-جوزا سپینبولدک چیگره‌سی‌دن مملکت گه قیتگن ۳۲۴ افغانستان‌لیک قاچقین گه هم یاردم بیریلگن.»
شونده‌ی بیرحالده، ایران و پاکستان دن قیتگن قاچقینلر، سرپرست حکومت‌دن ایش زمینه‌سی و باش‌پنه یره‌تیلیشی نی ایسته‌گنلر.
اوتگن کون اسلام‌قلعه چیگره قتناو یولی‌دن جبری شکلده افغانستان گه قیتریلگن هرات یشاوچیسی عبید، سرپرست حکومت‌دن ییگیت‌لر گه ایش زمینه‌سی یره‌تیلیشی نی ایسته‌گن.
اونینگ ایتیشیچه: «حکومت‌دن مملکت‌ده ایش زمینه‌سی یره‌تیلیشینی ایسته‌یمیز. بیزلر قچان‌گچه ایران، پاکستان و تورکیه گه کیته‌یلیک؟»
بیزلرنینگ فیسبوک صحیفه‌میزگه باش اورینگ!
شونینگدیک ننگرهار یشاوچیسی و پاکستان دن جبری شکلده چیقریلگن سمیع‌الله، سرپرست حکومت‌دن او و عایله‌سی گه دایمی باش‌پنه یره‌تیلیشی نی ایسته‌گن. «حکومت‌دن بیزلر گه ییر بیریلیشی نی ایسته‌یمیز؛ آبادلیک قیله‌یمیز و شو رقم ایش زمینه‌سی نی بیزلر گه یره‌تسین.»
بوندن آلدین خلق‌ارا قاچقینلر تشکیلاتی، جاری میلادی ییل نینگ اوتگن تورت آیی‌ده، ایران و پاکستان دن بیر‌یریم میلیون‌دن آرتیق افغانستان‌لیک قاچقین نینگ داوطلب‌لیک و جبری شکلده مملکت گه قیتگنلری نی ایتگن دیر.
