کابل و پکتیا ده میمون چیچگی کسل‌لیگی گه شبهه‌لی ایکی واقعه قید ایتیلگنی خصوصیده گزارشلر ترقه‌لگنیدن کیین، ساغلیق نی سقلش وزیرلیگی‌ده مسئوللر نینگ ایتیشلریچه، حاضرگچه افغانستان ده بو کسل‌لیک نینگ شبهه‌لی یا-ده ایجابی واقعه‌سی قید ایتیلمه‌گن.
اوشبو وزیرلیک سوزلاوچیسی شرافت زمان امرخیل، بوگون (سه‌شنبه، ۶-سنبله)، سلام‌وطندار گه ایتیشیچه، میمون چیچگی کسل‌لیگی نینگ شبهه‌لی یا-ده ایجابی واقعه‌سی قید ایتیلگنی صورت‌ده، ساغلیق‌نی سقلش وزیرلیگی اونی اعلام قیلیشی ممکن.
بیزلرنینگ فیسبوک صحیفه‌میزگه باش اورینگ!
بوندن آلدین ییتکرمه‌لردن قطاری ساغلیق منبع‌لریدن نقل قیلیب، کابل و پکتیا ده میمون چیچگی کسل‌لیگی گه شبهه‌لی ایکی واقعه تانیلگنیدن گزارش بیرگن ایدیلر.
ساغلیق‌نی سقلش وزیرلیگی مسئوللری، قریب بیر هفته آلدین میمون چیچگی کسل‌لیگی ترقه‌لیشی آلدی آلینیشی مقصد، سعی‌وحرکت قیلیشی نی اعلام قیلگن ایدی.
بیزلرنینگ «ایکس» ترماغی ده هم تعقیب قیلینگ!
حاضرگچه پاکستان، سویدن و افریقا ده میمون چیچگی کسل‌لیگی واقعه‌لری قید ایتیلگن.
خلق‌ارا ساغلیق‌نی سقلش تشکیلاتی، نیچه پیت آلدین میمون چیچگی کسل‌لیگی ترقه‌لیشی نی ساغلیق خصوصیده شاشلینچ بیر وضعیت اعلام قیلیب و بو ویروس نینگ ینگی سویه‌سی کوچه‌یماقده دیب ایتگن ایدی.
