ساغلیقنی سقلش وزیرلیگی مسئوللری، «کتلوی سقلنیش ملی پروگرامی» بناسی نینگ آچیلیش مراسمیده ایتیشلریچه، افغانستان ده ۱.۸ میلیون باله واکسین بولیشدن محروم قالگن.
اولرنینگ ایتیشلریچه، اوشبو بالهلر نینگ واکسین بولیشی مقصد، کتلوی سقلنیش نینگ قوللب-قوتلش پرواگرامی نی یولگه قوییگنلر.
بیزلرنینگ «ایکس» ترماغی ده هم تعقیب قیلینگ!
ساغلیقنی سقلش وزیرلیگی نینگ ساغلیق خذمتلری بوییچه معینی عبدالولی حقانی گه کوره، کتلوی سقلنیش نینگ قوللب-قوتلش مقصد بولگن ریجه ایکی باسقیچده عملگه آشیریلهدی که بیرینچی باسقیچده ایسه بیش یاش نی تولدیرمهگن ۹۰۰ مینگ باله نینگ واکسین بولیشی ممکن.
اونینگ ایتیشیچه: «کتلوی سقلنیش بولیمی معلوماتلری اساسیده، افغانستان ده ۱.۸ میلیون باله واکسیندن محروم قالگن و بو بالهلر نینگ پوشش بیریلیشی اوچون کتلوی سقلنیش نینگ قوللب-قوتلش پروگرامی ایکی باسقیچده تنظیم بولگن. بیرینچی باسقیچ ۱۸ آی دیر و اونده بیش یاش نی تولدیرمهگن ۹۰۰ مینگ باله، ۸۲۲ واکسناتور آرقهلی واکسین بولهدی. بو برنامه برچه ولایت و اوزاق منطقهلرده عملگه آشیریلیشی ممکن.»
ساغلیقنی سقلش وزیرلیگی سرپرستی نورجلال جلالی، خلقارا نهادلردن بو وزیرلیککه یاردملری نینگ کوپهیتیریشلرینی ایستهگن. «یونیسفدن بو بنا نینگ قوریلیشی اوچون منتدارلیک قیلهمیز. افغانستان دهگی واکسیناتورلر برنامهسیدن حمایت قیلیش خصوصیده بو وزیرلیک بیلن همکارلیک قیلیش گه دوام بیریشلری نی کوتهمیز. شونینگدیک عایلهلردن هم بالهلری نینگ کسللیکلردن امان قالیشلری اوچون اولر نینگ واکسین قیلیشلرینی ایستهیمیز.»
شوندهی بیرحالده، افغانستان ده بیرلشگن ملتلر تشکیلاتی نینگ بالهلردن حمایت قیلووچی صندیغی (یونیسف) نمایندهسی معظم حسین نینگ ایتیشیچه، افغانستان ده واکسیناتورلر نینگ قوللب-قوتلنیشی کیرهک.
بیزلرنینگ فیسبوک صحیفهمیزگه باش اورینگ!
اونینگ ایتیشیچه: «کتلوی سقلنیش نینگ تطبیق بولیشی، بوندن آلدین ایکی یاش نی تولدیرمهگنلر اوچون ایدی؛ بیراق حاضر ایسه بو کوچهیگن و بیش یاش نی تولدیرمهگنلر هم شامل بولهدی. اوتگن نیچه ییلده واکسین بولمهگن برچه بالهلر، کتلوی سقلنیش نینگ قوللب-قوتلش دستوری آرقهلی واکسین بولهدیلر و واکسیندن محروم قالگن بالهلر سانی هم، ۱.۸ میلیون گه ییتیشهدی.»
کتلوی سقلنیش نینگ قوللب-قوتلش دستوری بناسی یونیسف همکارلیگیده کابل ده خلقارا ستندردلر بیلن ۲ میلیون دالر گه قوریلیب و بوگون (چهارشنبه، ۴-میزان) فایدهلنیش گه تاپشیریلدی.