بیرلشگن ملت‌لر تشکیلاتی نینگ انسان پرورلیک یاردم‌لرینی اویغون‌لشتیرووچی دفتری (اوچا)، سه‌شنبه کونی، ۲۸ سنبله، ترقه‌تگن گزارشی ده، افغانستان ده هر ۱۰۰ مینگ تولد ده ۶۶۹ آنه و چقه‌لاق وفات ایتیشینی معلوم قیلگن.
مذکور اداره نینگ کوپه‌یتیریشیچه، افغانستان دنیا بویلب آنه‌لر و چقه‌لاق‌لر اولیمی کوپ بولگن مملکت‌لردن دیر.
اوچا نینگ کوپه‌یتیریشیچه: «تورت سنه اوروش، طبیات بولیمیده سرمایه یاتقیزیلمسلیگی، آنه‌لر و چقه‌لاق‌لر اساسی روشده طبی خذمت‌لردن فایدهلنه آلمسلیککه سبب بولگن.»
بیزلرنینگ فیسبوک صحیفه‌میزگه باش اورینگ!
بیراق، ساغلیق‌نی سقلش وزیرلیگی مسئوللری اوشبو رقم نی اساس‌سیز دیب ایتیشلریچه، افغانستان ده ۲۰۲۰-ییل دن بیری آنه‌لر و چقه‌لاق‌لر نینگ اولیمی کمه‌یگن و اوتگن ییل ده مملکت بویلب یالغیز ۲۴۰ آنه وفات ایتگن.
مذکور وزیرلیک سوزلاوچیسی شرافت زمان امرخیل نینگ سلام‌وطندار گه ایتیشیچه: «اوزاق منطقه‌لرده آنه‌لر اولیمی کمه‌یشی اوچون ینگی مرکزلر قوریلگن و معلومات‌لر گه کوره، اوتگن ییل گه قرهگنده آنه‌لر اولیمی سیزیلرلی درجه ده کمه‌یگن. نهادلردن بیرقطاری آنه‌لر و چقه‌لاق‌لر اولیمی کوپه‌یشی حقیده گزارش ترقه‌تگنلر، اساس‌سیز و تخمینی دیر.»
کابل ده ملالی کسلخانه‌سی مسئوللری نینگ ایتیشلریچه، اوتگن ییلی مذکور کسلخانه ده ۲۰ مینگ ۲۹۰ ولادت دن یالغیز سکیز اولیم واقعه‌‌سی ثبت ایتیلگن.
ملالی کسلخانه‌سی باشلیغی ملالی رحیم فیضی، اوشبو ییل ده آنه‌لر و چقه‌لاق‌لر نینگ اولیمی باره‌سیده سلام‌وطندار گه ایتیشیچه: «اوشبو ییل باشله‌نیشیدن حاضرگچه ۱۱ مینگ ۳۳۰ ولادت بولگن و حاضرگچه تورت اولیم واقعه قید ایتیلگن. وفات ایتگن آنه‌لر مملکت نینگ اوزاق منطقه‌لری و آغیر احوال ده کسلخانه گه آلیب کیلینگن ایدیلر شونی اوچون اولر نینگ قوتقره آلمه‌دیک.»
شو بیلن بیرگه، شفاکارلر توغیش پیتیده آنه‌لر نینگ کسلخانه گه کیچ آلیب کیلینیشی، توغیلیش آره‌سیده فاصله رعایت بولمسلیگی، قان باسیمی یوقاری‌لیگی و آنه‌لر نینگ مقاومتی قوی‌لیگینی، آنه‌لر و چقه‌لاق‌لر نینگ اولیم اصلی عاملی عنوان قیله‌دیلر.
بیزلرنینگ «ایکس» ترماغی ده هم تعقیب قیلینگ!
ملالی کسلخانه‌سیده شفاکار فهیمه سکندری گه کوره: «برچه حامله عیاللر خطر بیلن روپه‌ره‌دیر، عایله‌لر بو موضوع نی جدی آلیب حامله عیاللرنی وقتیده کسلخانه گه آلیب کیلیش‌لری کیره‌ک. بونگه علاوه آنه‌لر ولادت آره‌سیده فاصله نی رعایت قیلیش‌لری کیره‌ک؛ چونکه آنه‌لر و چقه‌لاق‌لر اوچون خوفلی دیر و آنه‌لر نینگ تنه‌سی مقاومتی قویی بولیشی و حتا آنه‌لر و چقه‌لاق‌لر نینگ اولیمی گه سبب بوله‌دی.»
بوندن آلدین، افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری (اوچا)، افغانستان آنه‌لر و چقه‌لاق‌لر اولیمی کوپ بولگن ۱۰ مملکت دن بیری بولیب و ۴.۵ میلیون آنه و چقه‌لاق حامله‌لیک پیتده، تولد یا که توغیلیش دن کیین دستلبکی هفته‌لرده وفات ایته‌دیلر.