اوتگن بیر کیچه و کندوز ده کرونا ویروسی‌گه چلینگن‌لردن ۴ ته‌سی کابل و باشقه ۲ ته‌سی بلخ ولایتیده دنیا دن اوتگن.
ساغلیق‌نی سقلش وزیرلیگی سوزلاوچیسی نینگ اورین باسری معصومه جعفری نینگ ایتیشیچه، اوتگن ۲۴ ساعت جریانیده مملکت ۱۱ ولایتیده ۱۲۶ کیشی کرونا ویروسی‌گه چلینگن و بو رقم‌لر شامل مملکت بوییچه کرونا ویروسی‌گه چلینگن‌لرنینگ سانی ۴۲ مینگ و ۱۵۹ کیشی‌گه کوپه‌یگن.
خانم جعفری نینگ ایتیشیچه، بو مدت‌ده کرونا ویروسی‌گه چلینگن‌لردن ۱۲ ته‌سی درمان‌لنگن و درمان‌لنگن‌لرنینگ سانی ۳۴ مینگ و ۴۵۸ کیشی‌گه ییتیشگن.
شونینگدیک، هرات محلی مسوول‌لری نینگ ایتیش‌لریچه، اوتگن بیر کیچه و کندوز ده کرونا ویروسی‌گه شبهه‌لی ۴ کسل اوشبو ولایتده دنیا دن اوتگن.
هرات ولایتی بوییچه ساغلیق‌نی سقلش ریاستی سوزلاوچیسی محمد رفیق شیرزی نینگ ایتیشیچه، اوتگن بیر کیچه و کندوز ده کرونا ویروسی‌گه شبهه‌لی ایکی عیال و ایکی ایرکک هرات شیدایی کسلخانه‌سیگه دنیا دن اوتگن و اوشبو دنیا دن اوتگن‌لر شامل هرات ولایتیده کرونا ویروسی‌گه شبهه‌لی ۸۷ کیشی دنیا دن اوتگن.
هرات ولایتی بوییچه کرونا ویروسی‌گه شبهه‌لی کیشی‌لردن آلینگن نمونه‌لرنینگ آزمایش قیلیش جریانی بیر هفته توخته‌تیلگنیدن سونگ، بوگون “یکشنبه” قیته باشله‌گن.
