فرانسه، آندورا، بلجیم، لوکزامبورگ، مالت و موناکو رسمی شکلده فلسطین دولتینی تن آلگنلر.
فرانسه جمهور باشلیغی امانوئل مکرون، بیرلشگن ملتلر تشکیلاتینینگ عمومی مجمع ییغیلیشیدهگی نطقیده، ایکی دولتلی ییچیمگه تاکیدلب و ایتیشیچه: «ایکی دولتلی ییچیمنی عملگه آشیریش امکانیتینی سقلب قالیش اوچون قولیمیزدن کیلگن برچه ایشنی قیلیش، زمهمیزدهگی مسئولیت دیر. بوگون فرانسه آرقهلی فلسطین دولتینینگ تن آلینیشینی اعلام قیلهمن.»
بیزلرنینگ فیسبوک صحیفهمیزگه باش اورینگ!
فلسطیننینگ اوزینی باشقریش تشکیلات باشلیغی محمود عباس، ویدیو علاقه آرقهلی بو قراردن قدردانلیک قیلیب و بیرلشگن ملتلر تشکیلاتیده فلسطیننینگ بوتونلی اعضا بولیشینی ایستهگن. «حاضرگچه بو ایشنی قیلمهگن مملکتلردن تیزلیک بیلن بو پروسهگه قوشیلیشلری و بیرلشگن ملتلر تشکیلاتیده فلسطیننینگ بوتونلی اعضا بولیشیدن حمایت قیلیشلرینی ایستهگن.»
بونگه قرشی، اسرائیل و امریکا ییغیننی تحریم قیلگنلر. آق سرای اروپا مملکتلری قرارینی «حماس اوچون مکافات» دیگن.
بیزلرنینگ «ایکس» ترماغی ده هم تعقیب قیلینگ!
شونینگدیک آسترالیا، کانادا، پرتگال و بریتانیا، اوتگن کون مذکور ییغیلیشدن آلدین رسمی شکلده فلسطین دولتینی تن آلگن ایدیلر.
اوشبو ینگی قرار بیلن بیرگه، فلسطیننی تن آلگن مملکتلر سانی بیرلشگن ملتلر تشکیلاتینینگ ۱۹۳ اعضاسیدن قریب ۱۴۷ گه ییتگن. حاضر خلقارا همجمعیتدن ۸۰ فایزدن آرتیغی فلسطیننی مستقل بیر مملکت اولهراق تانیگن که بو موضوع، اسرائیل آرقهلی غزه ده ویران قیلووچی اوروشنینگ دوام قیله یاتگنی بیرحالده، اونگه گه دیپلماتیک باسیمنی کوپهیتیرگن.
