افغانستان و اۉزبېکستان، سبزهوات، ایت (گوشت) و باشقه آزیق-آوقت محصولاتلرنی صادر و وارد قیلیش ساحهسیده شرطنامه امضالهدی.
افغانستان ایکینچیلیک، سووغاریش و چاروهچیلیک وزیرلیگی، بوگون (۱۲-قوس/۳-دیسمبر، چهارشنبه) ایکس صحیفهسیده بیر بیانیه ترقهتیب بو حقده خبر بیردی.
بیانیه گه کوره، بو شرطنامهلر ایکی مملکت اقتصادی مناسبتلری مستحکملنیشی و خصوصی سکتورنی قۉللب-قوتلش مقصدیده امضالنگن.
اوشبو شرطنامهلر، ایکی مملکت ییریک عملدارلرینینگ اشتراکی بیلن کابلده امضالنگن.
بو کیلیشوولر، ایکی مملکت اقتصادی مناسبتلری مستحکملنیشی و خصوصی سکتورنی قۉللب-قوتلش اوچون ایجابی آدیم دییلگن.
افغانستان ایکینچیلیک، سووغاریش و چاروهچیلیک وزیرلیگی سۉنگی کونلرده خصوصی و دولت سلاخخانهلریدن حیوانلر گوشتینینگ اۉزبېکستان گه سیناوی صادر قیلیشنی باشلهگن بیرحالده، بوندهی شرطنامه امضالنگن.
اۉزبېکستان ایکینچیلیک وزیرلیگینینگ معینی جمشید عبدوذوکروف باشچیلیگیده اوشبو مملکت هیئتی، ۹-قوس/۳۰-نومبر کابل گه یېتیب کیلدی.
