افغانستان برق ییتکزیش شرکت (برشنا)، قویاش ۱۴۰۵ ییل اوچون ایراندن برق ساتیب آلیش شرطنامهسینی اوزهیتیردی.
برشنا شرکتی، بوگون (۲۹ دلو/۱۸ فبروری، چهارشنبه) ایکس صحیفهسیده بیر بیانیه ترقهتیب بو شرطنامه، افغانستان برشنا شرکت اجرائیه عمومی باشلیغینینگ همکاری ملا عبدالحق باشچیلیگیده ایران گه قیلگن سفری دایرهسیده امضالنگن.
بیانیه گه کوره، اوشبو هیئت ایران پایتختی تهران شهریده بو مملکت عملدارلری بیلن قوشمه ییغیلیش اوتکزیب برق آست قورمهلرینی کینگهیتیریش و شونینگدیک ایراندن افغانستان گه انتقال بیریلگن برق مسئلهلری حقیده بحث ایتگنلر.
افغانستان حاضرگی کونده ۸۰ فایز برقینی اوزبیکستان، تورکمنستان، ایران و تاجیکستاندن تأمین قیلماقده و مملکتنینگ کوپینچه حدود یشاوچیلری هنوز برقدن فایدهلنه آلمهیدی.
شو بیلن بیرگه، ۲۲ دلو/۱۱ فبروری) افغانستان برق ییتکزیش شرکت (برشنا) و عزیزی گروپ کمپنیهسی، افغانستانده قویاش و تاش کومیردن ۸۴۵ میگاوات کوچیگه ایگه برق ایشلب چیقریش شرطنامهسینی امضالهدی.
