قندهار ولایتینینگ میوند تومنیدهگی یریم ویرانهگه ایلنگن بیر بناده، بالهلر و اوسمیرلر اولتیریب، بیر قطاری خوشحالخان ختکنینگ بیر بیتی حقیده سوزلهیاتگن و باشقه بیر قطاری ایسه محمد بن موسانینگ فرمولی حقیده ایضاح بیرهیاتگن ایرککلرنینگ گپلریگه دقت بیلن قولاق توماقده. بو ییرنی تعلیمی بیر مکانگه اوزگرتیرگن یالغیز نرسه، اوقووچیلر و اوقیتووچیلرنینگ حضوری دیر.
قندهار ولایتی میوند تومنیدهگی مکتبلردن کوپ قطارینینگ بناسیده یالغیز خشت بیلن قوریلگن، ایسکیرگن نیچه ستون قالگن.
بیزلرنینگ فیسبوک صحیفهمیزگه باش اورینگ!
میوند تومنیدهگی اوقووچیلردن بیری صدیقاللهنینگ ایتیشیچه: «بو ییرده بیر قطار مکتب ویران بولگن و بیر قطاری ایسه بیراز ویران بولگن. اوشبو مکتبلرنینگ اساسی شکلده قیته قوریلیشی کیرهک که اوقووچیلر مناسب بیر فضاده تعلیم کورسهلر.»
میوند تومنیده، مکتبلر بناسیدن کوپ قطاری بوتونلی بوزیلگن و بیر قطاری ایسه قیشنینگ ساووغی و یازنینگ ایسیغیدن اوقووچیلرنی سقلش اوچون تام و دیواری یوق.
بیزلرنینگ «ایکس» ترماغی ده هم تعقیب قیلینگ!
بو تومندهگی اوقوووچیلردن باشقه بیری قدرتاللهگه کوره: «اوروش جریانیده بوزیلگن مکتبلرنینگ قیته قوریلیشی کیرهک، چونکه تعلیم کوریش اوچون مکتبلر بناسی جودهیم اونملی دیر.»
باشقه بیر تاماندن، میوند تومنیدهگی اوقووچیلردن قطاری، تعلیم آلیش اوچون کیرهکلی و نیاز بولگن کتاب، قلم و کتابچه امکانیتیگه ایگه ایمسلر.
میوند تومنیدهگی اوقیتووچیلردن شبیر احمد، آز امکانیت بیلن اوقووچیلرنینگ درس اوقیشلرینی بیان قیلیب و ایتیشیچه: «اوقووچیلریمیز آز امکانیت بیلن تعلیم کورماقده. بعضا آچیق بیر فضاده درس اوقهدیلر. نه چوکیلری بار، نه میزلری بار و نه کتابلری. بو بالهلر ذهنی رواجلنیشی اوچون جدی بیر تهدید حسابلنهدی.»
شوندهی بیرحالده، میوند تومنی ولسوالی اورینباسری بسمالله، بو تومندهگی مکتبلرنینگ قیته قوریلیشی توغریسیده هیچ نرسه دیمهی و ایتیشیچه، مکتبلر و دینی مدرسهلر سانینینگ کوپهیشی اوچون سعیوحرکت بولهدی. «الحمدالله حاضر ایسه ۲۰ مکتب و ۱۰۰ دینی مدرسه فعال دیر، بیراق بولر اهالی اوچون ییترلی ایمس. تعلیم پروسهسی رواجلنیشی مقصد کوپینچه مکتب قوریش ایستهیمیز.»
میوند تومنیدهگی اوقووچیلرنینگ بوگون باشدن کیچیرهیاتگن نرسه، افغانستاننینگ اوروشدن اذیت چیککن باشقه حدودلریدهگی حالتنی ایسلتهدی که او ییرلرده هم، مکتب تعلیم آلیش اوچون مناسب ییرنی یرهته آلمهیدی.
