جمهورلیک ریاستی مملکتده ناتینچلیکلر کوپه‌یگنی و یول چیکه‌سیده ییرلشتیریله‌دیگن ماین پارتله‌شی باعث تینچ‌اهالی تلفاتی رقمی کوپه‌یگنی خصوصیده بیر اعلامیه ترقه‌تیب ایتیشیچه، طالبان گروهی شوروی زمانیدن کوره کوپراق یول چیککه‌سیده ییرلشتیریله‌دیگن ماین‌لردن استفاده قیلگنی ممکن.
جمهورلیک ریاستی نینگ سوزلاوچیسی صدیق صدیقی تویتر صحیفه‌سیده یازیشیچه، طالبان ماین‌لرنی، تینچ‌اهالی نی اولدیریش، عامه تاسیسات‌لر، کوپریک‌لر، جاده‌لر و قتناو یوللرنی بوزیش اوچون استفاده قیلیشه‌دی.
جناب صدیقی گه کوره، طالبان گروهی شوروی‌لر زمانیدن کوره کوپراق یول چیککه‌سیده ییرلشتیریله‌دیگن ماین دن استفاده قیلگنی ممکن.
سونگی بیر آیده کوپینچه تینچ‌اهالی یول چیککه‌سیده ییرلشتیریلگن ماین‌لرنینگ پارتله‌گنی باعث هلاک و تن جراحتی کوتارگنی اوچون جمهورلیک ریاستی نینگ سوزلاوچیسی بوندی بیانات بیرگن.
خلق‌ارا کیچیریم تشکیلاتی تامانیدن ترقه‌تیلگن گزارش گه کوره، اوتگن آی افغانستان یشاوچیلری اوچون ” اینگ قانلی” آی بولگن.
اوتگن هفته یوناما تامانیدن ترقه‌تیلگن گزارشده، جاری ییل نینگ بیرینچی ۹ آیی‌ده هلاک ایتیلگن تینچ‌اهالی نینگ ۲۱% یول چیککه‌سیده ییرلشتیریلگن ماین پارتله‌شی باعث قربان بولگنی اَیتیلگن.
