آسترالیانینگ سیدنی شهریده جایلشگن بوندی ساحلیده، یهودلرنینگ مذهبی بیر مراسمی اوتکزیلیشی جریانیده یوز بیرگن آتیشمه عاقبتیده، ۱۵ کیشی اولیب و قریب ۴۰ کیشی یرهلنگن. پولیس رسمیلریگه کوره، یرهلنگنلردن قطارینینگ وضعیتی آغیر گزارش بیریلیب و یرهلنگنلر آرهسیده ایکی پولیس هم بار.
مذکور واقعه اوتگن کون (۲۳-قوس، یکشنبه)، یوز بیریب و خوفسیزلیک رسمیلر اونی «یهودلرگه قرشی ریجهلشتیریلگن» بیر هجوم دیگنلر.
آسترالیا پولیسینینگ اعلام قیلیشیچه، آتیشمه ایکی هجومچی آرقهلی عملگه آشیریلیب، اولردن بیرتهسی واقعه محلیده اولدیریلگن و باشقه بیرتهسی ایسه کسلخانهده دوالنیش آستیده قرار تاپگن.
واقعه شاهدلریگه کوره، آتیشمه قریب ۱۰ دقیقه دوام قیلیب، بوندی ساحلیده کینگ کولملی قورقوو گه سبب بولگن.
آسترالیا باشوزیری آنتونی آلبانیزی، اوشبو هجومنی «یشاوچیلر اوچون قرانغو بیر لحظه» دیب و اونینگ قارهلش بیلن یهودلر جمعیتیدن دولتنینگ قوللب-قوتلهشیگه تاکید قیلگن. بو بیلن بیرگه، دنیا رهبرلریدن قطاری پیام یوباریش بیلن قربانلر و آسترالیا اهالیسی بیلن همدردلیک قیلگنلر.
