فلسطین دولتی ییتکرمهلر ادارهسینینگ ایتیشیچه، اسرائیل کوچلری رفح شهریده انسانسیورلیک یاردملرنی قولگه کیلتیریش اوچون ییغیلگن مینگلرچه فلسطینلیکنی اوققه توتگن.
خلقارا ییتکرمهلرنینگ گزارشی اساسیده، مذکور واقعه ۶-جوزا، سهشنبه کونی، آزیق-آوقت یاردملری ترقهتیلهدیگن بیر مرکز تامان مینگلرچه کیشینینگ بارهیاتگنی پیتده یوز بیریب و نتیجهده، اوچ کیشی قربان بولیب و ۴۶دن آرتیق کیشی یرهلنگن.
بیزلرنینگ «ایکس» ترماغی ده هم تعقیب قیلینگ!
غزه، قریب اوچ آیدن بویان محاصره و انسانسیورلیک یاردملرنینگ یوباریلیشی توغریسیده توسیقلیک بیلن روپهره دیر. بوندن آلدین، بیرلشگن ملتلر تشکیلاتی بو وضعیت دوام قیلگنی فلسطینلیک یوزلب بالهنینگ حیاتینی تهدید قیلیشیدن آگاهلنتیرگن ایدی. خلقارا اوشبو نهادگه کوره، غزه ده قریب ۲۹۰ مینگ باله قحطچیلیک طفیلی اولیم خوفی آستیده قرار تاپگن.
اسرائیل، جاری میلادی ییل ایکینچی مارچدن غزهنی بوتونلی محاصره قیلگن که بو اقدام، آچرچیلیک و انسانی فاجعه توغریسیده خلقارا کینگ عکسالعمللر و هشدارلر بیلن دوچ بولگن.
بیزلرنینگ فیسبوک صحیفهمیزگه باش اورینگ!
فلسطین ساغلیق وزیرلیگینینگ معلوماتی اساسیده، اسرائیل و حماس آرهسیدهگی اوروشلر باشلنگنیدن بویان، فلسطینلیک کمیده ۵۴ مینگ ۵۶ کیشی اولیب و ۱۲۳ مینگ ۱۲۹دن آرتیق کیشی یرهلنگن.
