طبیعی جاذبه «انگشت شاه» مکانی هر کونی مینگلب ایچکی سیاحتچی میزبانی دیر؛ بیراق سیاحتچی‌لر اوشبو مکان یولی اسفالت بولیب و بو ییرده کیره‌کلی امکانیت یره‌تیلیشینی سوره‌یدیلر.
سرپل ولایتی سانچارک تومنی مرکزی دن سکیز کیلومتر اوزاق ده «شبوکند» قیشلاغیده جایلشگن انگشت شاه، تورلی ولایت‌لردن کیله‌دیگن سیاحتچی‌لردن میزبان‌لیک قیله‌دی.
ایچکی سیاحتچی‌لردن بیرقطاری نینگ ایتیشلریچه، انگشت شاه سرپل ولایتی سانچارک تومنیده طبیعی جاذبه‌لردن بولیب، شرشره‌لر و بولاق‌لر، اوشبو دم آلیش مکان نینگ کورکم‌لیگینی آشیرگن.
بیزلرنینگ فیسبوک صحیفه‌میزگه باش اورینگ!
انگشت شاه گه دم آلیش اوچون بارگن بلخ یشاوچیلریدن عبدالحمید گه کوره، انگشت شاه نینگ شرشره‌لری طبیعی جاذبه‌لردن بولیب و اکثر ولایت‌لرده بو کبی شرشره نی حاضرگچه کورمه‌گن.
او نینگ ایتیشیچه، یوللر بوزوق‌لیگی، برق‌سیزلیک، کلینیک و رستورانت یوق‌لیگی، موجود معمالردن بولیب و بوتوغریده اسلام امیرلیگی دقت قیلیشی کیره‌ک.
مذکور طبیعی جاذبه نی کوریش اوچون بیر قطار دوست‌لری بیلن بارگن جوزجان یشاوچیلریدن بسم‌الله گه کوره، یوللر بوزوق‌لیگی و امکانیت‌سیزلیک یشاوچیلرنی بیزاوته قیلسه ده؛ لیکن تاش‌لر آره‌سیدن آقه‌یاتگن شرشره‌لر یشاوچیلر روحینی شاد قیله‌دی.
او نینگ ایتیشیچه، بو ییرده امکانیت یره‌تیلگن تقدیرده، هر کونی اوشبو جاذبه‌لی مکان گه کیله‌دیگن‌لر سانی ۵۰۰ دن ۲۰۰۰ گه آشیشی ممکن.
عین‌حالده، سرپل معلومات و مدنیت ریاستی مسئوللری، انگشت شاه ده‌گی قیینچیلیک‌لرنی حکومت بیلن شریک قیلیب و تیزلیک بیلن اوشبو قیینچیلیک‌لر حل ایتیلیشیدن ایشانچ بیره‌دیلر.
بیزلرنینگ توییترده هم تعقیب قیلینگ!
سرپل معلومات و مدنیت باشلیغی فخرالدین عمیر سرپلی نینگ ایتیشیچه، سونگی آی ده انگشت شاه گه ایچکی سیاحتچی‌لر حضوری سیزیلرلی درجه ده آشگن.
سرپل معلومات و مدنیت باشلیغی نینگ کوپه‌یتیریشیچه، انگشت شاه یولینی قوریش و او ییرده قولی‌لیک یره‌تیش مقصدیده سعی‌وحرکت قیلماقده‌لر.
سرپل معلومات و مدنیت ریاستی مسئوللری نینگ معلوماتی اساسیده، اوتگن بیش کون ده ۱۰ مینگ ایچکی سیاحتچی مملکت شمالی ده مشهور طبیعی جاذبه حسابلنگن انگشت شاه گه دم آلیش اوچون بارگنلر.