شفاکارلردن قطاری‌نینگ سلام‌وطندار گه ایتیشلریچه، جوانی‌دانه تشویش، موسومی اوزگریشلر، حیض کوریش، هورمونی اوزگریشلر و توغری آوقتلنمسلیک کبی سببلر طفیلی قیزلرگه چیقه‌دی. اولرنینگ کوپه‌یتیریشلریچه، جوانی‌دانه کوپراق ۹-۲۵ یاش آره‌سیده بولگن قیزلرگه چیقه‌دی.
قیزلر آره‌سیده جوانی‌دانه چیقیشی اصلی سبب‌لری خصوصیده تیری کسل‌لیکلری بوییچه شفاکار عبدالواحد صفا‌نینگ ایتیشیچه: «یوزگه بخار چیقیشی تشویش، آرایش و یاغلیق نرسه‌لر کبی تورلی سببلر گه باغلیق دیر، بیراق بخار‌نینگ چیقیش اصلی سببینی، ارثی و جنسی هورمون سانی تشکیل بیره‌دی.»
شونینگدیک قیزلر آره‌سیده جوانی‌دانه چیقیشی اصلی سبب‌لری خصوصیده تیری کسل‌لیکلری بوییچه شفاکارلردن باشقه بیری نورین نواب‌نینگ ایتیشیچه: «تشویش بخار چیقیش‌نینگ اصلی سببی دیر و تشویش قیلگنی‌میز پیتده کوره‌میز که کوپ تیزلیکده بخار چیقه‌دی. تشویش‌دن اوزاق بولیش کیره‌ک که یخشی و بخاردن اوزاق یوز گه ایگه بولسه‌ک.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، کابل‌نینگ میوند کسل‌خانه‌سیده تیری کسل‌لیکلری متخصصی محمدمصطفا صاحب‌زاده‌نینگ ایتیشیچه، جوانی‌دانه کوپراق ۹-۲۵ یاش آره‌سیده بولگن قیزلرگه چیقه‌دی.
اونینگ کوپه‌یتیریشیچه: «کسللریمیز‌دن کوپی ییگیتلر و یاش ییگیتلر دیر. قیزلرده ۹-۱۳ یاشرلیکدن و اوغیل‌لرده ایسه ۱۰-۱۲ یاشرلیکدن باشلنیب، ۱۹ و حتا ۲۵ یاشرلیککه قدر ییگیتلر و یاش ییگیتلر جوانی‌دانه چیقره‌دیلر.»
عین حالده، مذکور گزارش‌ده سلام‌وطندار بیلن صحبت قیلگن ۱۵ قیز هم، جوانی‌دانه چیقیشی سببینی تورلی عامللر بیله‌دیلر. کابل یشاوچیسی بولمیش ۲۵ یاشر حسنا و ۲۰ یاشر سارا، جوانی‌دانه چیقیشی سببینی، حیض کوریش و هورمونی اوزگریشلر دیه‌دیلر.
سارا‌نینگ ایتیشیچه: «۱۳ یاشر بولگنیم‌ده، یوزیم‌گه جوانی‌دانه چیقردیم. شفاکار گه باردیم، مرهم بیردی و اوشه مرهم‌دن قوللنیش بیلن یوزیم‌ده‌گی بخارلر کمه‌یدی؛ بیراق بوتونلی کیتمه‌دی. حیض کوریشیم پیتده یوزیم‌ده بخار کوپه‌یه‌دی و کته بوله‌دی.»
شونینگدیک حسنا‌نینگ ایتیشیچه: «۲۵ یاشرمین. ۱۹ یاشر بولگنیم‌ده یوزیم گه بخار چیقدی و حاضرگچه شفاکار گه بارگنیم یوق. حیض کوریش‌دن ایکی کون آلدین بو جوانی‌دانه‌لر یوزیم گه چیقه‌دی، کوپه‌یب و کته بوله‌دی.»
۱۸ یاشرلیگی‌ده یوزی‌گه جوانی‌دانه چیققن ۲۴ یاشر شبانه‌نینگ ایتیشیچه، تشویش قیلیش پیتیده، یوزیم‌گه کوپراق جوانی‌دانه چیقه‌دی.
بیزلرنینگ فیسبوک صحیفه‌میزگه باش اورینگ!
باشقه بیرتاماندن، مذکور قیزلردن قطاری‌نینگ ایتیشلریچه، آوقت‌لنیش یوزلریگه جوانی‌دانه‌نینگ چیقیشی‌گه تاثیری بار و درست آوقتلنمسلیک و اچیق آوقتلردن قوللنیش، یوزلریده جوانی‌دانه‌نینگ کوپه‌یشی گه سبب بوله‌دی.
یوزی‌ده جوانی‌دانه کوپه‌یگنی گه آوقت‌لنیش تاثیری خصوصیده وحیده‌نینگ ایتیشیچه: «۱۸ یاشرمین. جوانی‌دانه چیقرگنیم‌دن قریب بیر ییل بوله‌دی. شفاکار گه باردیم، بیراق دارولری فایده قیلمه‌دی. اچیق آوقت ییگنیم‌ده بخارلر کوپه‌یه‌دی، اوشه اوچون اچیق آوقت‌لرنی ییمه‌یمن.
شونده‌ی بیرحالده، شفاکارلرنینگ ایتیشلریچه، نه فقط جوانی‌دانه؛ بلکیم باشقه تیری کسللیکلر هم ایرککلر گه قره‌گنده عیاللر آره‌سیده کوپراق کوریله‌دی.
