شهیدلر و ناگرانلر وزیرلیگی مسئوللری، بوگون (یکشنبه، ۲۲-اسد) دولت نینگ ملت گه حساب بیریش برنامهسیده ایتیشلریچه، حاضرگچه ۱۸۱ مینگ ناگران، ۸۷ مینگ ۸۷ سرپرست عیال و ۳۷۱ مینگ ۴۲۰ سرپرستسیز باله اوشبو وزیرلیکده ثبت بولگن دیر.
ناگرانلر و شهیدلر وزیرلیگی اورینباسری عبدالحکیم حقانی نینگ ایتیشیچه: «حاضرگچه اسلام امیرلیگی اعضالریدن ۱۵۰ بیوه و ییتیم، سابق کوچلردن ۱۲۰ بیوه و ییتیم و حربی کوچلریدن ۱۸۶ مینگ بیوه و ییتیم و شونینگدیک ۱۴۹ مینگ ناگران ایرکک و ۳۱ مینگ ناگران عیال اوشبو وزیرلیکده ثبت بولگن دیر.»
بیزلرنینگ توییترده هم تعقیب قیلینگ!
اونینگ کوپهیتیریشیچه، بیر ییل جریانیده ۱۸ ولایتده الکترونیکی سیستملر فعال بولیب و بو یول آرقهلی ۷۸ مینگ کیشی بایومتریک بولگن.
باشقه بیر تاماندن شهیدلر و ناگرانلر وزیرلیگی نینگ اداری و مالی بولیمی رئیسی کلیمالله افغان نینگ ایتیشیچه، اوتگن ییل اوشبو وزیرلیککه تعیین بولگن ۱۳.۵ میلیارد افغانی بودجهدن، ۷۵ فایزی نیازمند کیشیلر گه ترقهتیلگن.
شهیدلر و ناگرانلر وزیرلیگی نینگ اداری و مالی بولیمی رئیسی گه کوره: «اوتگن ییل اوشبو وزیرلیک نینگ نیازی اساسیده، ۱۳ یریم میلیارد افغانی بودجه تعیین بولگن ایدی که، بو آرهده، ۹ یریم میلیاردی اوشبو وزیرلیک آرقهلی صرفلنگن و ۴ میلیاردی ایسه مالیه وزیرلیگی آرقهلی تنقیص بولگن.»
جناب افغان نینگ کوپهیتیریشیچه، بو ییل مذکور وزیرلیک اوچون ۱۲ میلیارد افغانی بودجه تعیین بولگن که، حاضرگچه ۵ میلیاردی صرفلنگن.
بیزلرنینگ فیسبوک صحیفهمیزگه باش اورینگ!
شهیدلر و ناگرانلر وزیرلیگی مسئوللری نینگ ایتیشلریچه، سرپرستسیز هر بیر عیال و باله اوچون، آیده ۲ مینگ افغانی و شهیدلر و ناگرانلر عایلهلری گه، عایله اعضالری و ناگرانلیگی نینگ قنچهلیگی گه قرهب، ۲مینگدن ۱۵مینگ افغانی گه قدر توللنیلهدی.
نیچه مدتدن بویان ناگرانلر و شهیدلر عایلهلریدن قطاری حقلری توللنمهسلیگیدن شکایت قیلگنلری بیرحالده، شهیدلر و ناگرانلر وزیرلیگی مسئوللری مملکتده ۶۰۰مینگدن آرتیق ناگرانلر، سرپرستسیز بالهلر و عیاللر نینگ ثبت بولگنیدن خبر بیرگنلر.
