کابل ده شهیدلر و ناگرانلر وزیرلیگی نینگ مالی و اداری بولیملری باشلیغلرینی، مالی و اداری مسئله‌لر گه تیگیشلی موضوع‌لرنی اورگتیش همده اولر نینگ ظرفیت‌لرینی آشیریش مقصد یولگه قوییلگن سمینار بوگون (یکشنبه، ۱۳-حوت)، یکونلنگن.
اوشبو وزیرلیک سوزلاوچیسی فیصل خاموش نینگ ایتیشیچه، مذکور سمینار مملکت بویلب اوشبو وزیرلیک خذمت‌لری نی تینگلشتیریش و ریاست‌لر ایشلاوچیلری ظرفیتی نی آشیریش مقصد، ۱۷۰ رئیس و مدیر اوچون یولگه قوییلگن ایدی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «مالی و اداری مدیرلر اوچون یولگه قوییلگن ۱۴ کونلیک سمینار یکونلندی و توپلم شکلده بو سمینار گه ۱۷۰ گیشی شرکت قیلگن ایدی.»
فیصل نینگ اورغولشیچه، مذکور سمینار گه شرکت قیلووچیلر، اداری مراسلات یولی، بودجه تنظیمی و ترقه‌تیلیشی، صرف-خره‌جتلر و اداری و مالی بولیم‌لر تدارکاتی خصوصیده تعلیم کورگنلر.
اوشبو برنامه‌ده شهیدلر و ناگرانلر وزیرلیگی اورین‌باسری عبدالحکیم حقانی نینگ ایتیشیچه، اسلام امیرلیگی توزومی نی بوتون دنیاده یگانه دیب، مذکور وزیرلیک ریاست‌لری و اداره‌لری ایشلاوچیلریدن ایشلری نینگ آلغه آلیب باریشلری خصوصیده مسئولیت‌لی و جدی شکلده ایشلش‌لری نی ایسته‌گن.
عبدالحکیم حقانی نینگ کوپه‌یتیریشیچه: «واجب بولگن نرسه‌لر خصوصیده مسئول‌‌سیز، ایشلرینگیز و مسئولیت‌لرینگیز نی وقتیده انجام بیریشلریش کیره‌ک. ایشلرینگیز نی انجام بیریش اوچون جدی اقدام قیلیشلرینگیز کیره‌ک. بیر قطار ولایت‌لر و ریاست‌لرده مراجعه قیلووچیلر نیچه کون بیر مدیر نینگ امضاسی نی کوتیب توره‌دی.»
شهیدلر و ناگرانلر وزیرلیگی مسئوللری نینگ ایتیشلریچه، سونگی ایکی ییل جریانیده اداری اصلاحات کمیسیونی و ملکی خذمت‌لر انستیتوتی همکارلیگی بیلن، مذکور وزیرلیک نینگ مرکزی و ولایتی ایشلاوچیلری اوچون ۷ دوره سمینار یولگه قوییلگن.
شونده‌ی بیرحالده، شرکت قیلووچیلردن قطاری بو سمینار نینگ فایده‌لی دیب ایتیشلریچه، بوندن آلدین ولایت‌لرده نیچه تور خذمت کورسه‌تیلردی.
بیزلرنینگ فیسبوک صحیفه‌میزگه باش اورینگ!
مذکور سمینار گه شرکت قیلگن فاریاب ولایتی اداری و مالی بولیمی مسئولی عبدالولی صمیم نینگ ایتیشیچه: «بو سمینار ظرفیت نی آشیریش اوچون ایدی و اداری مراسلات، پلان‌گذارلیک، ایش پلانی ایشی، حساب‌لر نینگ تطبیق قیلیشی، تیکشیریش نظارتی و بودجه بو ۱۴ کون‌ده درس بیریلدی.»
شونینگدیک پکتیا اداری و مالی بولیمی مسئولی هیواد منلی نینگ ایتیشیچه: «مذکور ورکشاپ‌‌ده اداری مراسلات، بودجه نینگ تنظیم قیلینیشی و ترقه‌تیلیشی و مصارف‌لر بیلن مالی و اداری بولیم‌لرده تدارکات نی اورگندیک. بوندن آلدین ایشلریمیز نیچه‌تورلی ایدی، بوندن بویان ثابت اصول اساسیده، ایشلر نی درست انجام بیره‌میز.»
شهیدلر و ناگرانلر مسئوللری نینگ اورغولشیچه، حاضر ایسه اوشبو وزیرلیک‌دن ۶ یوز ۱۴ مینگ‌دن آرتیق ناگران و سرپرست‌سیز عیال ثبت بولیب و قویاش اوشبو ییل‌ده اوشبو وزیرلیک آرقه‌لی اولر گه توپلم شکلده ۱۱ میلیارد ۸۱ میلیون افغانی توللنگن دیر.
