اسلام امیرلیگی باش وزیری‌نینگ اداری اورین باسری ملا عبدالغنی برادر، بوگون (۱۱-جدی، سه‌شنبه) کابل شکردره تومنیده «شاه و عروس» توغانی آچیلیش مناسبتی بیلن اۉتکزیلگن ییغیلیش‌ده، بو توغان توقیز میلیون متر مکعب‌دن آرتیق سوو سیغیش امکانیتی گه ایگه بولیب و فایده‌لنیشگه تاپشیریلیشی بیلن اوچ مینگ هکتار ییر سوغاریلیشی ممکن دیگن.
اونینگ کوپه‌یتیریشیچه: «بو توغان توقیز میلیون مترمعکب سوو سیغیش امکانیتی گه ایگه دیر و فایده‌لنیشگه تاپشیریلیشی بیلن اوچ مینگ هکتار ییر سوغاریله‌دی و بو توغان اهالی اقتصادی اوچون مهم دیر و یشاوچیلرنینگ احتیاجلرینی تأمینلب و اقتصاد احوالی یخشی‌لنیشی خصوصیده رولی مهم دیر.»
اوشبو مراسمده اسلام امیرلیگی باش وزیری‌نینگ اداری اورین باسری عبدالسلام حنفی، اسلام امیرلیگی مملکت بویلب سوو توغانلرینی قوریش و سوولرنی باشقریش اوچون عملی آدیم کوتارماقده‌لیگینی معلوم قیله‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، شاه و عروس توغانی فایده‌لنیشگه تاپشیریلیشی بیلن ۱.۲ میگاوات برق ایشلب چیقریشی ممکن.
اونگه کوره: «اوشبو توغان ۱.۲ میگاوات برق ایشلب چیقره‌دی و سوو تاشقینلری باشقریله‌دی و اسلام امیرلیگی اوچ ییل‌دن بیری مملکت مقیاسیده سوو توغانلرینی قوریش و سوولرنی باشقریش اوچون ایجابی ایشلرنی قولگه آلگن.»
سوو و برق وزیرلیگی مسئوللری، شاه و عروس سوو توغانی قوریلیشی اوچون ۵۲ میلیون دالردن آرتیق پول صرف‌لنگنینی اېته‌دیلر.
بیزلرنینگ «ایکس» ترماغی ده هم تعقیب قیلینگ!
سوو و برق وزیرلیگی سرپرستی عبداللطیف منصور گه کوره، بو توغان فایده‌لنیشگه تاپشیریلیشی بیلن ۲۰ مینگ عایله ایچیملیک سوو بیلن تأمینلنه‌دی.
اونینگ ایتیشیچه: «بو حیاتی بیر لایحه دیر و قوریلیشی اوچون ۵۲ میلیون دالر صرف‌لنگن و توقیز میلیون متر مکعب سوو سیغه‌دی و ۲۰ مینگ عایله ایچیملیک سوو بیلن تأمینلنه‌دی.»
برچه‌سی بیلن، پایتخت کابل شکر دره تومنیده جایلشگن شاه و عروس سوو توغانی قوریلیش ایشی، ایران انشاآتی بیر شرکت انجنیرلری و متخصص‌لری تامانیدن آلغه آلیب باریلگن.
ایران انشاآتی شرکت مسئولی سیف‌الله نجفی‌نینگ ایتیشیچه، بو لایحه عملگه آشیریلیشی یانیده، بو توغان‌نینگ قوریقلش اوچون تخنیکی خادملرنی تیارله‌گنلر.
اونگه کوره: «بو شرکت، مذکور لایحه ایشینی عملگه آشیریش یانیده، تکنالوژی، و بومی کوچلرنی تیارلش گه سعی-حرکت قیلگن و ۹۰ فایز انجنیرلری افغانستان‌لیکلر بولگن.»
شاه و عروس سوو توغانی‌نینگ قوریش ایشی قویاش ۱۳۹۱-ییل‌ده باشلندی؛ بیراق نیچه مراتبه ایشی باشلنیب و ایریم دلیللر طفیلی توخته‌تیلدی و نهایت ایشی قویاش ۱۴۰۳-ییل، جدی آی‌ده توگه‌ب و فایده‌لنیشگه تاپشیریلدی.