قندوز ولایتیده کوچلی سوو تاشقینی، اوشبو ولایت بیرقطار یشاوچیلری گه کوپنیچه نقصان یېتکیزگن.
قندوز ولایتی دشت‌ارچی تومنی یشاوچیسی ارباب هاشم گه کوره، ۲-قوس، جمعه کونی بامداد پیتی یوز بیرگن دهشتلی سوو تاشقینی، اۉزی شامل اوشبو تومن کوپنیچه یشاوچیلری گه آغیر زیان یېتکیزگن.
سوو تاشقینلری طفیلی دکانی بوزیلگن ارباب هاشم‌نینگ ایتیشیچه: «کوپ نقصان یېتکزدی، قریب ۱۵ دن ۲۰۰ مینگ افغانی زیان یېتکیزگن. ۵۰ یشش اوینی سوو تاشقینی آلیب کېتگن. سوو تاشقینی بامداد چاغی ساعت ۶:۱۰ اطرافیده ېتیب کېلدی. دهشتلی اېدی. کوپ مالی نقصان یېتکیزدی بیراق خورسندلیک بیلن جانی تلفاتی یوق.»
بیزلرنینگ فیسبوک صحیفه‌میزگه باش اورینگ!
دشت‌ارچی تومنی یشاوچیلریدن باشقه بیری گل‌آغا، سوو تاشقینی باعث یشش اوی بوزیلگن ایتیشیچه: «اوی بوتونلی بوزیلگن، سوو تاشقینی همه نرسه‌نی آلیب کېتدی و حاضر تشقریده میز. ابه‌م‌نینگ اوی گه بارگن‌میز، بو ییرده تیریکچیلیک احوالی قیین دیر.»
اوشبو یشاوچیلر، دولت یا که یاردم بیرووچی نهادلر حاضرگه قدر اولر گه یاردم کورستمه‌گن و قیین احوالده قالگنلرینی اېته‌دیلر.
عین‌حالده، شمال-شرق زونیده قیزیل آی جمعیتی ریاستی‌نینگ نشرات بوییچه مسئولی حمیدالله سادات، اولرنینگ یاردم بیروچی تیمی دشت‌ارچی تومنی گه سوو تاشقینی طفیلی ضرر کورگنلرنی تېکشیریش و یاردم بیریش اوچون یوللنگن و اولرنینگ معلوماتی اساسیده، ۲۵ یشش اوی بوتونلی و ۷۰ یشش اوب قسمی شکلده بوزیلگن و باشقه یوزلب ایکینچیلیک ییر زیان کورگن.
بیزلرنینگ «ایکس» ترماغی ده هم تعقیب قیلینگ!
شو بیلن بیرگه، قندوز ولایتی علی‌آباد تومنی «لاله‌میدان» قیشلاغی یشاوچیلری، اۉتگن کیچه‌ده‌گی کوچلی یامغیر دهشتلی سوو تاشقینی یوز بیریشی گه سبب بولیب و اولر گه کوپ نقصان یېتکیزگنینی اېته‌دیلر.
قندوز طبیعی آفت‌لر گه قرشی کوره‌ش ریاست مسئوللری، اوشبو ولایت‌نینگ خان‌آباد تومنی نیچه قیشلاغیده سوو تاشقینی یوز بیرگنیدن خبر بیرگن بیرحالده، بو قیشلاق‌لرده احتمالی تلفات و زیانلر حقیده هېچ نرسه دیېلمه‌گن.
سوو تاشقینلری طفیلی زیان کورگنلر، باش پنه‌سیزلیک، آزیق-آوقت، ایچیملیک سوو و طبی خذمت و انسان پرورلیک یاردم کورسه‌تیلیشینی اېسته‌یدیلر.
