تخار ولایتیدن امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، اوشبو ولایت نینگ دشت‌قلعه تومنیده طالبان تامانیدن آتیلگن راکت اوقی عاقبتیده، چیگره کوچلریدن ۷ ته‌سی هلاک و باشقه ۲ ته‌سی یره‌لنگن.
مذکور منبع‌گه کوره، طالبان جنگری‌لری اوتگن “پنجشنبه” کونی تخار ولایتی نینگ خواجه‌غار تومنیدن دشت‌قلعه تومنی نینگ آیخانم منطقه‌سیده جایلشگن چیگره کوچلر اوستیگه راکت اوقی آتگن.
منبع نینگ کوپه‌یتیریشیچه، چیگره کوچلری والیبال اوینش بیلن مصروف بولگن بیرچاغده، بو واقعه یوز بیرگن.
بیراق، دشت‌قلعه تومنیدن مردمی منبع‌لرنینگ سلام‌وطندارگه ایتیش‌لریچه، مذکور واقعه‌ده چیگره کوچلریدن ۷ ته‌سی هلاک و باشقه ۳ ته‌سی یره‌لنگن.
طالبان گروهی حاضرگه‌قدر بوتوغریده فکر بیلدیرمه‌گن.
تخار امنیتی مسوول‌لری نینگ ایتیش‌لریچه، طالبان گروهی نینگ اوشبو ولایت مرکزی تالقان شهری نینگ اطرافیده‌گی هجوم‌لری شکست بیلن دوچ کیلگن، بیراق بو گروه جنگری‌لری نینگ کوکچه اطرافیده‌گی تومن‌لرده بولگن هجوم‌لری دوام قیلماقده.