غور ولایتیده یوقمه تاووق کسللیکلریگه چلینیش موردلری کوپهیشی بیلن، دولتی نهادلر، تاووق ییتیشتیرووچیلر و چاورهچیلیک بوییچه متخصصلری مذکور کسللیکلرنینگ ترقهلیشی آلدی آلینیشی اوچون قوشمه چاره-تدبیرلرنی قولگه آلگنلر.
عایله خرهجتینی تاووق ییتیشتیریش بیلن تامینلهیدیگن قیشلاقلیک عیاللردن بیری فاطمه، تاووق کسللیکلرینینگ مدیریت قیلیش و نشانهلرینی بیلیش توغریسیده اوزینینگ شخصی تجربهسی حقیده سلاموطندار گه ایتیشیچه: «تاووقلرده کسللیکلر علایملری ضعیفلنیشی، آزراق آذوقه ییشی، پرلری توکیلیشی و بعضا ایچکیتمه دیر. بعضا تاووقلرنی نفسی قیسهدی یا-ده عادی بولمهگن شکلده سیسلر چیقرهدی. بو کبی علایملرنی کورگنیمده، بیرینچیده کسل تاووقنی باشقه تاووقلردن اَیرهمن و کیین وترینر یانیگه آلیب بارهمن. شونینگدیک فارم پاکلیگی، سوو، درست آذوقه و وقتیده واکسین بولیشیگه توجه قرهتهمن.»
باشقه بیر تاماندن، غور ده بویوک تاووق فارملری همده ۵۰۰۰ دن آرتیق تاووققه ایگه بولگن سلیمان کریمی، سرمایهسیگه کسللیکلرنینگ جدی تهدیدلری توغریسیده ایتیشیچه: «آیده قریب ۲۰ مینگ تخم تولید قیهمیز، بیراق کسللیکلر ترقهلیشی آغیر خساره ییتیشتیریشی ممکن. انه شوو سبب عاجل قرنطینه، تاووقلرنینگ منظم واکسین بولیشی و فارملر شرایطی یخشیلنیشیگه جدی شکلده توجه قیلهمیز.»
بیزلرنینگ فیسبوک صحیفهمیزگه باش اورینگ!
شوندهی بیرحالده، چاروهچیلیک ایش بیلرمانلریگه کوره، ساغلیق معیارلرنینگ رعایت قیلمسلیک و منظم واکسیناسیون برنامهسی یوقلیگی، کسللیکلر ترقهلیشی اصلی عامللری دیر. بو توغریده محلی وترینرلردن سمیعالله راجینینگ ایتیشیچه: «نیوکاسل، تاووق آنفلونزاسی و کوکسیدیوز، تاووقلر آرهسیده کوپ ترقهلهدیگن کسللیکلردن دیر. کسل جوجهلرنی وارد قیلیش، درست شکلده سقلنمسلیک و حتا اقلیم اوزگریشلری هم خطر کوپهیشیگه سبب بوله آلهدی. تاووقچیلرگه تعلیم بیریش و دقیق نظات قیلیش کیرهک.»
شونینگدیک غور ایکینچیلیک و چاروهچیلیک ریاستیده مسئوللر، بو ریاستنینگ حمایتی اقداملریگه اشاره قیلیب و ایتیشلریچه، اقتصادی زیانلر آلدینی آلیش مقصد، دایم تاووقچیلرنی قولب-قوتلهگنلر. مذکور ریاست مسئوللریدن احمدضیاء سخیزادهنینگ سلاموطندار گه ایتیشیچه: «اقداملریمیز عاجل واکسین ترقهتیلیشی، تعلیمی برنامهلر اوتکزیلیشی، سیار وترینرلر تیملری یوباریلیشی و فارملردن دایمی شکلده نظارت بولینیشدن عبارت دیر. اصلی مقصدیمیز اقتصادی زیانلر آلدی آلینیشی و ایچکی تولیدلرنی سقلش دیر.»
تیکشیریشلرگه کوره، تاووقچیلر، وترینرلر و مسئول نهادلرنینگ دایمی همکارلیگی بیلن ساغلیق تدبیرلر رعایت بولیشی، منظم واکسین بولیشی و دقیق کنترول، بو قیینچیلیکنینگ آلدینی آلیشده موفقیتلیک کلیدی دیر. مسئوللر بو چاره-تدبیرلرنینگ دوام قیلیشی بیلن، غور ده کسللیکلر خوفی کمهیشی و تاووقچیلیکلردهگی تولیدنینگ برقرارلیگی سقلنیشیگه امیدوارلر.
