امنیتی بیر منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، پولیس خاص قطعه‌سی، کماندو و ملی اوردو کوچلریدن تشکیل تاپگن بیر مینگ‌دن آرتیق حربی بامیان ولایتیده توپلنگن و عبدالغی علی‌پور گه قرشی عملیات اویوشتیریش اوچون بویروغ کوتماقده.
منبع نینگ ایتیشیچه، مذکور حربی‌لر هاموی تانک، سبک و آغیر قورال‌لر بیلن تجهیزلنیب میدان‌وردک ولایتی نینگ بهسود تومنیده مردمی مقاومت قومندانی عبدالغنی علی‌پور نی قولگه آلیش اوچون بویروغ‌گه منتظرلر دیر.
ایتیلیشیچه، ۳ کون آلدین میدان‌وردک ولایتی نینگ بهسود تومنیده ملی اردو بیر تیک‌اوچری سقوط قیلیب و نتیجه‌ده امنیتی کوچلردن ۹ ته‌سی هلاک ایتیلگن ایدی. ملی مدافعه وزیرلیگی سوزلاوچی‌لیک دفتری اورین باسری فواد امان نینگ ایتیشیچه، تیکشیریش‌لرگه کوره، مذکور تیک‌اوچر مردمی مقاومت قومندانی عبدالغنی علی‌پور گه تیگیشلی قوراللی کیشی‌لر تامانیدن سقوط بیریلگن.
بوگون “شنبه” مدافعه وزیرلیگی سوزلاوچیسی اورین باسری نینگ توییتر صحیفه‌سیده یازیشیچه: «ملی مدافعه وزیرلیگی نینگ تیکشیریش‌لری و قولگه توشگن حجت‌لرگه کوره، هوایی کوچلرنینگ مذکور تیک‌اوچری علی‌پور گه تیگیشلی جنگریلر تامانیدن هدف آستیگه قرار بیریلگن.»
جناب امان نینگ تاکید قیلیشیچه، ملی مدافعه وزیرلیگی بو واقعه عامل‌لریدن امنیتی کوچلر انتقامی‌نی آله‌دی.