افغانستان اولاق لیگهسی ییتینچی دوری، ایکینچی کونیده آلتی اولاق تیرمه جماعه بیللشهدی.
بوگون (۲۲-قوس/۱۳-دیسمبر، شنبه)، افغانستان اولاق لیگهسی ایکینچی کونیده بغلان – هرات توشدن آلدین ساعت ۹:۰۰ ده؛ قندوز – فاریاب توشدن آلدین ساعت ۱۱:۰۰ ده و بدخشان – تخار اولاق تیرمه جماعهلری توشدن سۉنگ ساعت ۲:۰۰ ده بیللشهدی.
اوشبو مسابقهلرنینگ بیرینچی کونیده، سرپل ۱۰-۳ حسابی بیلن سمنگان، بدخشان ۱۷-۴ حسابی بیلن بامیان و قندوز اېسه ۴-۱ حسابی بیلن بلخ گه غلبه قازاندی.
افغانستان اولاق لیگهسی ییتینچی دوری، ۱۱ اولاق تیرمه جماعه اشتراکی بیلن تورت گروهده، کابل شهری حدودلریگه قرهشلی «یکه توت»ده اوتگن کون باشلندی. بو مسابقهلرده خارجی چاپندازلرنینگ بارلیگی هم ایتیلگن.