آسترالیالیک عالملر انسان سلامتلیگیگه تأثیر ایتووچی اېنگ کوچلی عامللردن بیری یالغیزلیک حقیده جدی آگاهلنتیریشگن. اولرنینگ سۉزلریگه کوره، انسان اۉزینی حس قیلگنده میه بو حالتنی جسمانی آغریق یا کی خوف کبی قبول قیلهدی و درحال حمایه حرکتینی ایشگه توشیرهدی.
میهدهگی استرس میکانیزملری فعاللشگنیده، ارگانیزم کورتیزول و آدرنالین کبی هورمونلرنی کوپراق ایشلب چیقره باشلهیدی. بو هورمونلر قیسقه وقتده آدمنی سیرگک سقلسهده، اوزاق مدتلی حالتده یورهک، عصب تیزیمی و حتا مصئونیت گه ضرر یېتکزیشی ممکن.
تدقیقاتچیلر تأکیدلشیچه، انسان طبیعتن اجتماعی موجود دیر. اونینگ حیات کیچیریشی و روحی برقرارلیگی کوپ جهتدن باشقهلر بیلن ملاقات گه باغلیق. باشقچه ایتگنده، انساننینگ میهسی همکارلیک، صحبت و احساسلی علاقهلر اوچون «سازلنگن.» شو سببدن اوزاق وقت یالغیزلیکده یشش – میه اوچون طبیعی بولمهگن حالت حسابلنهدی.
عالملر بوندهی حالتده میهده «یاپیلیش میکانیزمی» ایشگه توشیشینی تأکیدلماقده. انسان اطرافیده خوف یوق بولسهده، او اۉزینی جسماناً تهدید آستیدهگی کبی حس ایتهدی. بو حالت بعضی استرس گه سبب بولهدی، نتیجهده اویقو بوزیلهدی، دقت سوسهیهدی و روحی حالت یامانلشهدی.
شو بیلن بیرگه، علاقهلر و روحی قۉللب-قوتلش میهده عکسینچه جریانینی باشلهیدی. یقینلر بیلن ملاقات قیلیش، حتا قیسقه صحبت یاکی تبسم – اکسی توسین هورمون ایشلب چیقیلیشیگه تورتکی بیرهدی. بو ماده آدمده تینچلیک، خوفسیزلیک و ایشانچ حسینی کوچهیتیرهدی.
متخصصلر فکریچه، دایمی اجتماعی ملاقات نهفقط کیفیتنی کوترهدی، بلکه یورهک کسللیکلری، خاطره و یوقالیشی خوفینی هم پسهیتیرهدی. حتا قیسقه صحبت، دوستانه ملاقات یا کی عمومی قیزیقیشگه ایگه گروهده بولیش هم انساننینگ روحی حالتینی سیزیلرلی درجهده یخشی لهیدی.
عالملر بو نتیجهلرنی تورلی یاشدهگی ۳ مینگ گه یقین اشتراکچی اوستیدن اوتکزیلگن تدقیقات آرقهلی انیقلشگن. اولر یالغیزلیکده یشاوچی آدملرده استرس درجهسی ایکی برابر یوقاری بولگنینی و بو حالت یورهک-قان تامیر تیزیمی فعالیتیگه سلبی تأثیر کورسهتیشینی تأکیدلشدی.
روانشناسلر ایتیشیچه، انسان باشقه آدملر بیلن ملاقات قیلگنیده میه فعاللیگی موازنت گه کیلهدی. شو سببلی، یالغیز آدملرگه هر کونی کیم بیلندیر صحبت قیلیش، جماعت تدبیرلریده اشتراک ایتیش یاکی قیزیقیشلریگه ماس کیشیلر آلدیگه باریش توصیه اېتیلهدی.
«یالغیزلیک-جسمانی آغریق کبی میه اوچون استرس منبعی. لېکن حتا بیر نیچه دقیقهلیک صحبت هم میهگه تینچلیک حسینی قیتره آلهدی،» دیېدی تدقیقاتچیلر.
